2017年1月1日 星期日

♥【美食】九龍城西餐。Pavia 帕維亞意大利餐廳 ♥

黎到九龍城又唔一定要食泰國野既!
今次試下呢一間西餐,咁岩門口仲有位可以泊車
非常方便! (你要知道…食飯時間九龍城車位難求呀!)


點完菜之後,立即送上蒜蓉法包
熱辣辣又脆口既法包,加上香噴噴既蒜蓉味,正呀!

希臘沙律





入面有番茄、黃椒、青瓜、橄欖,加埋上面一堆既菲達芝士(Feta Cheese),
再用以及醋、檸檬汁和香芹末等等材料去做醬汗,呢個前菜好開胃


焗法式香草田螺拌薯蓉



呢個係必點既小食!D田螺都幾大隻…
因為自己好鐘意香草加埋田螺食最夾!




黑松露帶子意大利雲吞

推介大家一定要叫呢個意大利雲吞,廚師有改良過小小岩返香港人口味
因為正宗既意大利雲吞係皮厚又小餡,
香港人當然要厚夠薄入面既餡要爆哂出黎啦
加埋滿到全碟都係黑松露忌廉汁包圍住,
香濃黑松露味帶小小牛油香味,D汁好快俾大家清哂

白酒煮紐西蘭大蜆

大蜆成隻手心咁大隻,冇沙之餘入面浸滿白酒既汁
D肉仲好肥美tim!呢個價錢唔算貴,起碼有咁大隻蜆


沒有留言:

張貼留言