2017年1月21日 星期六

♥【美食】元朗泰國菜。安樂路亞萊嘜嘜 ♥


之前係安樂路食過Never Too Late既西餐,
原來旁邊有間係食泰國野叫亞萊嘜嘜!
食泰國野又洗乜落九龍城喎~身為新界人入元朗仲好過出九龍啦
見佢時間尚早,未到最多人時段唔洗等咁耐就決定試下~

店裡地下裝潢好新式,樓底又高冇壓迫感
不過我地坐上層,不過地方尚算乾淨 冇下面咁嘈

打開餐牌俾呢版海鮮類吸引住!

通常都揭下餐牌有咩圖片推介,見到呢碟蠔仔好似幾正 就嗌黎試下

食泰國野我必叫椰青! 幾清甜唔老,入面既肉都好嫩


清邁鐵板蠔仔蛋  冇記錯好似係 $98
蛋炒得夠香,蠔仔夠多!
而且咸度調味剛剛好 要黎送飯一流

你睇下呢隻蠔仔幾漲卜卜!
幾驚喜佢D蠔仔咁新鮮,用鐵板上好處係食到中後期入面都仲暖


由於唔知道個咖哩軟殼蟹咁大份…所以我地叫左個泰式炒金邊粉
隨碟附上青檸,大家更可以擠D青檸檬汁再加上蛋皮花生碎伴食,
更增添另一種清爽味道層次。

香辣得惹味,而且麵質幾有口感煙煙韌韌咁
筷子一落,粉條長長升高條條分明絕不散開,可見廚師炒功火候之高
加埋芽菜一齊食帶點爽口!金邊粉入口甜甜,口中唔會覺得好油膩

嘗過幾碟不同濃味泰式菜餚,大家往往都未完全飽,叫金邊粉就岩岩好啦~
清新的調味又可以清清濃味菜式造成既味覺麻痺。

而我最期待既就係咖哩軟殼蟹終於出黎啦!
咖哩我冇揀到加辣,因為唔太食得辣既我都係揀返正常好D (有小辣、中辣可選)

咖哩汁夠濃郁,因為加埋蛋花更變得稠
D汁唔會流黎流去,用包點黎食就更方便
有一樣野我地都幾失察…就係睇餐牌果陣誤會左個包係要另叫

因為最底果行"咖哩款式可配焗大包" 仲見到寫住 (Small / Large) $40
咁一樣都係加$40 緊係揀Large既包點咖哩汁食啦


點知原本個咖哩軟殼蟹已包埋底果個包
而$40 既大包係另上 / extra
想建議一係餐牌食清楚小小 or 落單時姐姐提一提食客減低誤會以免造成浪費


軟殼蟹炸得香口,有一半未沾到汁仲保持到脆口
咬一啖浸到汁既軟殼蟹 再咬一口沾滿咖哩汁既包,非常滿足!

沒有留言:

張貼留言