♥【美食】港式火煱。尖沙嘴阿肥火鍋 ♥

閏蜜聚今次揀左係尖沙咀食打邊爐~而朋友揀左呢間很好打卡既阿肥火鍋

由一入門口已經見到地下有麻雀鋪係地下，好有香港特色～

打邊爐緊係最緊要揀湯底啦！

朋友極力推薦揀【老成都麻辣鍋】

咁我就揀一個唔辣既【胡椒豬肚雞鍋】雙拼可以試2隻味

唔好睇麻辣果邊好似辣得好誇張，辣度唔算好勁但好香，岩哂我呢d怕辣又要食既人

而胡椒豬肚雞果邊既湯底都做得好香，隻雞好滑　建議大家未食辣之前飲下個湯先

脆皮豆腐 炸得香脆加埋上面炸蒜一齊食好正~

仲點左比較特別既門鱔炸魚皮（有骨）

普通炸魚皮無骨既，今次試下呢個門鱔

比較偏硬身小小，要浸耐小小，吸多D麻辣湯

紫菜響鈴，入面夾左塊紫菜之後入口立即無咁油

(左起) 黑鮮腐竹、豬天梯、牛骨髓

呢3樣都係平時去打邊爐唔係度度都有既食材

豬天梯比較爽口，有咬口

而我自己係好鐘意食牛骨髓！加埋個麻辣湯底點小小豉油超正～

岩岩心血來潮上網search左小小牛骨髓既好處，

原來食牛骨髓從中醫角度，可以補虛勞、益精血

西方可以補鈣、補磷潤肺！ 

牛骨髓含有豐富嘅蛋白質、脂肪、維生素同尼克酸等等，

而且仲有肉豆酸、棕櫚酸、硬脂酸同亞油酸等物質，所以有強嘅滋補作用。

鮮蝦黑松露餃，入面d蝦大隻得黎又彈牙，黑松露味香濃

而我點既豬潤都非常新鮮

4寶丸

黑柏葉好爽口，鐘意食牛柏葉既朋友必點

推薦大家叫呢個 魚滑、蝦滑、牛肉滑!

一次滿足3個願望，份量都好足料

今次無咩叫海鮮，唯一一樣我想食既就係蜆～

幾surprise d蜆好大隻，仲好新鮮上台時仲好生猛

 手切牛一碟　脂肪比例適中，牛肉味濃

♥【健康】都市隱形殺手。中風真係無樣睇！ ♥

一直以為中風都係年齡較大既人先會易患上，

但近年發現好多中風個案都有年輕化的趨勢，

而呢個令人防不勝防的都市病係由於腦血管阻塞或爆裂引起，

突發性腦組織得不到充份氧氣和養料令神經細胞壞死告洐生不同神經疾病。

當日活動黃醫生都有同大家分享他的經驗，更表示中風真係無樣睇！

無糖尿病、無三高問題、不煙不酒都會中風！

而其中一個病人中風的導火線更是大家日常生活都有做黎relex既瑜伽。

除左一般大家認知比較激烈的運動容易引發中風之外，

原來仲有按摩、洗頭等拉屈過度，按頸力度過大等等

令頸部血管撕裂破損令血管內產生血塊就有機會中風

黃醫生都有指出個人日常飲食之中，有好多膽固醇超標既陷阱

例如揀選的食油、進食的海鮮都係膽固醇相當高的，

咁大家又會問，如果我係素食者一定安全啦，其實又未必!

因為例如芥花籽油雖然標榜低反式脂肪，

但其實都有一定膽固醇，而部份植物油的沸點比較低，

一當過熱時間接洐生出致癌物，所以大家要小心選擇和烹調

其實中風沒有單一原因或成因，

有機會是血壓低、血糖太高或太低、膽固醇長期積聚令血管收窄、間歇性心房顫動等等，

而三高人士的確比正常人中風的機會多1.5-3倍左右，

但勤做運動的確可以改啟動身體機制將壞膽固醇都轉化為好的膽固醇。

而現時有很多科技和工具都可幫助大家監測身體的狀況，

方便大家利用手機去進行監測，而在不久的未來將會有更多相關的科技產品可以協助大家去有系統地了解更多自己身體或有需要作適合的跟進。