2011年6月21日 星期二

♥ 草莓墾丁遊記。Day 1+ Day 2 【恆春夜市,出火,海生館...】(超多相)♥

這個旅行應該算是畢業旅行吧!一早已打算考完試就去台灣玩一番
這個旅行終於可以在5月22-29號實行了!總共是8日7夜
由墾丁玩到上台北!墾丁會stay 5日4夜 台北會stay4日3夜
玩盡呢8日旅行 (機票錢都俾得抵d!)


我地出發當日仲落雨! 好彩去到機場先落~


未回程已經。。。。有點重!因為手提行李都冇拎。咩都掉哂落個行李到


草莓同男友今次搭既係中華航空去高雄



上機緊係要拎份報紙磨下時間 (仲要係東方日報tim!)
不過個飛機餐真係好難食。。食2啖就算。。



由香港飛去高雄既時間都只係1個鐘~平時由銅鑼灣返屋企都唔只啦XD


由於我地係搭共乘車落墾丁 (共乘車則係仲會有其他人一齊搭 唔係包車)
每人NT350 約HKD100 一個人

司機仲好好人同我地有傾有講~檳榔既真身!
話說渣長途車既司機都要食佢黎頂住~入面既成份會令佢地精神D WO
不過食完之後佢地會好High~最核凸係成口都係血紅色咁。。仲有陣檳榔味。。
司機仲話以前d檳榔西施係著透視裝。。咁佢地仲點會專心渣車=.=
不過今次去見到既檳榔西施。。。絕對沒有美女啦當然!(可能係我唔好彩)



當渣到一半既時候。。望一望右邊。。嘩~~~~~~好靚呀!
真係諗都冇諗到咁靚既海景會出現係眼前。仲要有海平線呀!
香港到到都有樓好難見到有咁靚。。對面仲要係全部海。。。



同我地一齊搭共乘車既都係一對情侶~傾傾下~大家去既地方都差唔多~
所以我地決定之後果幾日都一齊包車周圍去玩~始終係墾丁冇車係好唔方便!!
所以我地約好夜晚一齊去 星期日先開既恆春夜市!岩岩落機去到民宿當然要執執個樣先!
我地係墾丁4日 頭2日就住悠遊旅店 後2日就住阿飛民宿1館
因為諗住可以試下唔同既民宿~一黎悠遊旅店係貴小小 俾足4日係有d肉痛
(不過到最後係有d後悔點解唔住哂悠遊旅店4日!)





化好妝之後就落去搵d野食下先! (餓死我喇!)
係旁邊既X將軍賣包既買左2個包食~ 普通姐。。咁肚餓都係覺得普通。。

之後我地一齊包車去左玩高卡車先~NT300
 


之後佢地民宿個老闆就車我地去恆春夜市~
唔知果幾日係咪就黎打風。。好多小昆蟲狂飛出黎。。仲係D食物上面。。
大家冇睇錯。。果D黑點絕對唔係黑胡椒黎。。。都係頭幾檔係咁姐好彩


開頭我地唔敢試雞PATPAT 老闆娘就好好人咁吉一舊俾我地試下
原來真係幾好味嫁!



QQ蛋原來係炸地瓜姐係炸蕃薯黎~
草莓仲見到有鞋賣TIM!NT400一對~


之後仲問下人附近有D咩好食~佢地話有一檔狂噴好多煙果檔果D燒物幾好食~
我地就周圍望下邊到有煙噴出黎既檔口~ 終於搵到喇!



嘩。。。好多野食呀!!我唔怕生痘痘~~衝阿!!
 
 
叫野食中間見有外國人同個ABC好似有d困難~我地就幫埋佢叫野食~
佢地只係識講英文。。。。。勁!


行行下佢地見到臭豆腐就衝左埋去~~ (草莓唔食的) 佢地話好正wo呢間!



個冰沙好好飲呀~個伯伯仲整左個菠羅冰沙俾我地飲~ 好香好滑!
 
個起司棒都好正!!!
 
 
草莓就係咁狂食狂拎狂飲狂影。。。。冇手喇!
仲見到有檔係賣太陽眼鏡~NT300任揀2對!
姐係NT150就有1對喇! 好抵呀~ 立即同男友每人揀左1對



之後老闆就車左我地去恆春鎮入面既東、南、西、北門去欣賞下~
順便為一陣既出火之旅買定D仙女棒! 老闆話大賣場呢到買會抵好多~
 
 
我地順手就入定貨~怕今晚會肚餓~買定D野飲~
 


出發去出火GOGOGO!!


出火位於恆春東門外100公尺,是由於地下天然氣冒出所造成的景觀,
火也不會四處亂冒了。不過還是懷念以前可以在火堆跑來跑去的樣子。
 另外,這裡適合晚上來,白天頂著大太陽來這裡烤火?!別鬧了,同行的人臉色會很難看。
 
大家就拎住頭先係大賣場買既仙女棒係到影下相玩下咁
旁邊仲有今朝同機既一大班香港人係到玩煙花~所以我地唔洗錢都睇到煙花XD


好靚呀~

最後老闆仲請我地飲4神湯~入面有d藥材咁~
個味道幾似冬瓜湯咁既味~仲有d豬腸係入面~食完會好訓d嫁wo
 
************************************
 
第二日一起身~我地就食左早餐先join埋一齊去海生館
 
咁我地就落左去我地民宿旁邊既早餐店食早餐~南灣旁邊都冇咩野好食~
最近我地既早餐店就係呢間"普羅旺斯"
 


我地叫左個芝士煙肉台灣蛋餅同一個蔥抓餅頂住肚先~
個蛋餅真係不得了!!好鬼好味!出面有d黑胡椒整到勁香~入面d芝士加煙肉超正!
個蔥抓餅都唔錯~不過未到好食!


我地再次包車~
經過小杜包子諗住買黎食。。不過見到多人到咁。。。。。。。
墾丁已經冇乜人可以見到。。呢到竟然有咁多人!
老闆話如果我地想食一陣叫司機買黎俾我地食~ 真貼心!


成個墾丁全部都好多呢d植物。。原來果d係芒果黎嫁!
點解用個袋入住佢? 因為怕有昆蟲咬囉~
由高雄落黎墾丁中間都有好多山頭全部都係芒果!係全個山頭都係芒果!


由於我地琴日係我地民宿到買左門券(係平d)之後竟直接入得去喇!



今日男友帶拿腳架影相!因為今日去既地方都好多要影相 帶定腳架就影到靚相喇!
真係想像唔到如果得我同我男友2個人黎玩會係點。。
應該會冇咁好玩~冇人同我地share 冇人同我地影相冇人同我地hehe haha!
所以可以一齊去玩真係好難得!難得大家都無咩所謂 又岩傾!


海生館足足可以行幾個鐘!什至慢慢行既可以玩半日
 
 


仲有得摸海膽,海星,海蔘tim! 男友好大膽咁摸。。
摸完仲叫我去摸海星tim 點解草莓會揀海星摸。。因為佢唔會點郁。。
不過我自己未摸到自己就係到嚇自己。。海膽都只係摸左一下。。好驚呀 >"<


真係大過海洋海園果d館好多~人又冇咁多~魚既種類又多d~
 
 
 
 
 
 
 
 
 
 
 
 
海生館既出面都好靚!!
 
仲有一個超超超超高既~ 真係好靚!
 
 
仲有好多好多隻企鵝睇tim~
d企鵝真係好得意~
 
睇完d真既企鵝再望下d公仔企鵝已經覺得好得意~
 
 
 
玩完海生館之後~已經有車係到等緊我地~
仲買好哂我地order左既包tim! 一上車就立即有得食! 真好~
 
 
我地就去左貓鼻頭到望下風景~果日有好多台北旅行團~都係d公公婆婆團~
唔知似唔似我地香港d一日遊呢~ 台灣應該好難有一日遊~起碼都3日2夜XD
 
 
 
唔知大家睇唔睇得出呢隻係貓。。。。。。。。 係2隻貓
旁邊d公公係到講笑咁話 3分神似 7分靠想像
不過旁邊個公公又話以前就係37。。而家係2分神似 8分靠想像
因為呢d石會被海水侵蝕而慢慢唔似隻貓~
 
 
之後司機車我地去白沙灣~草莓有睇過食尚玩家~話好多人一家大細會租架露營車黎玩
好可惜 李安大導演 包左成個area幾日 搞到冇得去睇!!掃興。。
 
 
 
之後我地去左風車旁邊影下相~睇人釣大魚!
 
 
 
跟住我地去星砂灣。。。。。左邊呢粒用眼望都就黎望唔到既就係星砂。。
唔好諗住一去到搵2搵就可以搵到。。
呢一粒都係借 本身係個沙灘到搵緊既人黎影相。。



 
 
之後我地去左後壁湖~ 而最出名既係咩?
一定係輝哥生魚片!!
係輝哥生魚片堂食就一定要叫一碟送~ 因為我地唔想食咁多野所以都係外帶~
 
 
 
係等緊生魚片既時候。。我地開始掃旁邊既小食店!
海燕窩幾好飲~!
 
 
 
 
好多人食呀~~~
 
 
我地一開波買左NT100 諗住試下有幾好味~
一打開。。。。嘩。。。。。全部都好鬼厚!好正~
姐係咁。。香港果D係一片片~而呢隻係厚身~個口感已經唔同左好多~ 幾特別
BTW咁樣係海旁食魚生都係第一次! 哈~
 
 
食過番尋味。。我地再recall NT200既份量!
唔係講笑。。最後我地4個人都有幾舊冇食。。因為實在太飽!
而家諗起都覺好哂野!
 
 
食到咁飽之後。。我地落返墾丁大街又食過! (明明仲好飽)
我地要去搵阿飛黎刺個青先!
 
 
 
右下:男友寫低左自己想紋D咩字
阿飛就幫我地設計個款~
 
 
 
一開波阿飛就幼幼地咁畫個草圖先~
之後再加粗~【Bless The Person I Love】 這天是我們的紀念日~
原來呢句野男友一早係未出發台灣之前已經諗定。。。
 
 
 
我自己睇旅遊書果陣已經諗住要紋一條鍊!
冇計~上年定上上年Chanel出過個紋身貼紙太貴又唔捨得買
而家唯有好好補償返自己個慾望~
當然我唔係紋孖C啦!個字我就用自己英文名Berry既B字~
阿飛仲幫我加隻翼同粒星上去~ 立即靚左好多~
 
阿飛整完之後就用佢部Iphone影低我男友同我既刺青~
佢話會放係本相簿到~唔知係咪真呢~ 不過見阿飛都好滿意我地呢2個刺青!
 
 
 
而友人(無錯!)已經變左朋友XD
佢就紋係最腳到~ 阿飛真係畫得好靚呀!
 
 
 
 
而岩岩紋完既時候。。千祈唔好掂到佢呀!
所以我地4個講得最多既係"唔好埋黎呀" "唔好掂我" "我冇手呀"
我地要係大家都唔掂得大家既情況下整張明信片寄返香港~好難寫字呀咩都唔掂得!
仲去整2條幸運手鍊~ 5分鐘就拎得喇!
 
 
 
手工雪糕~好好味~~鐘小勤~ 我當然揀返草莓味啦!
 
 
 
好野~~完成喇~~最後我地買d野食返我地民宿食~因為我地住得唔近大街
要老闆車我地返去呢~
 
 
 
山豬肉又幾好味!!
 
 
返到民宿又肚餓喇!! 又再食~~~ 好飽好飽~~~
 
 
草莓墾丁台北遊記仲有Day3,4,5,6,7,8呢~
唔知大家仲有冇心機睇埋落去XD因為去2到地方d相又多~想講既野都好多
所以篇文會好長好多相XD 如果想知道每日用左幾錢同草莓既行程~請留意之後既遊記喇^^
 
 
希望你們會鐘意草莓的文~ 喜歡的話請給一個推和留言吧 :)
你們的支持才是草莓出文的動力呢~
LOVE YOU ALL

沒有留言:

張貼留言