OH YEAH! 6號終於考完試喇~ 總算完成埋大學生生涯lu
不過果排實在太大壓力! 因為個考試佔成50% 一fail 真係可能要重讀
所以真係唔敢唔努力溫! 所以1年都唔生1次既壓力痘竟然出黎同我say hi!
因為我平時最多生既係下巴同埋生既都係紅腫型~
平時都好少生係額頭~今次仲要生埋d 細細粒既~ 真係唔識處理!
好彩呢個時候有VICHY陪住我~~
話說我都算半個VICHY FANS
因為前幾年同媽咪都掃過VICHY~我就買左接近一套既痘痘LINE VICHY
媽咪就掃左藍色保濕LINE~
而舊版既NORMADERM我都用過~
分別其實只係D字既位置有唔同~ 而質地都接近一樣
而草莓都係VICHY既FACEBOOK FANS PAGE問過到底舊版同新版有咩分別
以下就係VICHY既回覆
「Dear Berry: 全新油脂調護保濕霜集合３種高效去角質成份,
深入表皮層去除老化角質, 並加入了更高濃度的保濕甘油,
同時為肌膚高效保濕。 新配方更是無添加 Paraben類防腐劑配方, 更適合敏感性肌膚使用。」
VICHY創新研製，於日霜結合3種高效活性去角質煥膚成份，
集合改善肌膚瑕疵、啞緻肌膚及24小時保濕3大功效。
Paraben free低過敏配方，通過亞洲肌膚敏感測試。
$200 / 50ml
新版既NORMADERM
個嘴是咁的~ 禁細細力已經好快吱到出黎
而個質地係水D既乳霜狀~ 推開之後幾乾爽~又唔LUP唔會黏~
到最可怕既時間喇~~~~~
其實呢D壓力痘4/5 果陣已經開始想出想出咁嫁喇~
到5/5 終於忍唔住生左好多~ (唉~~~~~冇眼睇呀!)
到7/5 考完試之後 壓力痘就竟然消失左好多~~~~~
係因為咩原因呢? 因為考完試?定因為用左VICHY呢? 我都唔知XD
草莓來一個評分好讓大家參考~ 最高分為 (♥ ♥ ♥ ♥ ♥)
控油度: ♥ ♥ ♥
效果OK~ 只不過覺得唔化妝既時候會出少左油~
而化妝前用既就覺得偏乾~ 因為中肯D講句係OK啦
保濕度: ♥ ♥ ♥
保濕度只係一般~ 雖說呢支野係控油~ 不過保濕都好重要嫁~
呢支保濕效果平平~ 唔會話好保濕~ 不過又唔會話好乾~
只係某D地方 (如草莓覺得乾既額頭位同鼻位有時唔夠保濕)
去痘度: ♥ ♥ ♥
其實都唔知壓力痘消失係原因~
不過對付紅腫大痘好似又冇咩用~ 所以效果都係不明~
清爽度: ♥ ♥ ♥ ♥
以偏乳霜既質地黎講算幾清爽~ 因為夏天真係唔太鐘意咁LUP
而用小小既份量已經足夠茶全面~ 唔錯唔錯~
回購度: ♥ ♥
因為自己之前都買過舊版~ 而家再試用埋新版~
覺得回購度只有40% 姐係可有可無~ 因為保濕效果一般所以有點卻步~
再次多謝theztyle同vichy ^^
唔知係咪之前太捱夜溫書~ 同好姐妹生日去玩完一晚之後再去媽媽節飲茶
冇覺好訓又休息唔夠~~ 搞到個人好唔舒服~
琴日終於發左出黎喇d病! 岩岩睇完醫生食左藥~ 醫生話有發燒同感冒~
我而家把聲真係開唔到呀~ 就算講野..就好似雷凱欣係肉浦團果把阿伯聲咁.....好鬼man!
我都閃去休息下先喇~~ 呢排都好熱~ 大家要小心一冷一熱唔好病倒呀!!
________________________________________________________
岩岩呢個星期日就係媽媽節喇~ 唔知大家點為媽媽準備驚喜呢~
草莓就一早睇中左個袋俾媽媽~ 因為媽媽之前係COACH睇中一個要成4千幾蚊既袋~
好可惜而家草莓仲未有能力去買到咁貴~ 咁岩行街既時間又見到有個90%似既袋~
而且價錢又OK~ 買完返去媽媽開心到不得了~ 第曰立即已經拎黎用~ 哈哈! 哄媽媽唔難嫁^^
之前係團購網到買左一個媽媽節健康蛋糕~ 都唔錯~ 價錢又唔係貴~~
媽媽都食多左幾舊! 因為唔太甜嘛~
有我同哥哥錫媽咪 睇下媽咪幾開心 ^^
當日係好姐妹生日~ 所以我地買左花俾佢~ 所以真係明乎其實既係"借花送媽" 哈哈
*
*
*
下回預告
希望你們會鐘意草莓的文~ 喜歡的話請給一個推和留言吧 :)
你們的支持才是草莓出文的動力呢~
ＬＯＶＥ ＹＯＵ ＡＬＬ
沒有留言:
張貼留言