♥【美食】尖沙咀甜品 。甜點+咸點 白色雪花之公主 ♥

呢間白色雪花之公主其實之前係元朗已經食過 

不過元朗果間分店就只有甜品，而尖沙咀呢間就有埋其他野食揀

當日放工後來到都唔洗等位就可以入坐 (唔通D人以為只有甜品?)

未嗌野食之前發現牆身有插頭同USB位俾你隨時差電

非常貼心呀!! 因為韓國好多餐廳已經提供充電嫁啦!

出去望定個甜品櫃有咩食先

呢2款蛋糕都好吸引呢!

同事叫左呢杯西柚水果茶 有新鮮西柚好清新同茶味都好濃~

我地嗌左好多小食當晚餐! 包括有柚子蜜雞翼

煎得個皮好脆口 食落仲有小小柚子既香甜味 唔錯!

仲附有一兜仔菜俾你中和返口入面既甜味呢~

仲有韓式煎餃子﹐韓式既餃子會比較扁身

見到餃子既顏色都知煎得幾脆身啦 (對煎野太有要求的我都表示合格!)

最有驚喜既係呢道「香炸魚餅麵」 點解成盤咁似炸薯條既喂~

食落脆卜卜 好似幼身既薯條咁 但又唔會好似薯條咁飽

仲有淡淡魚香味呢~ 加埋醬汁一邊食就更加惹味, 點唔點醬都好味!

我地仲點左黑松露薯條﹐當然黑松露先係主角啦

味道香濃配埋薯條一流呀! 

女仔都係等甜品時間嫁啦! 我地好貪心咁叫左3款

其實我唔係太喜歡食芋頭味既東東﹐不過同事話好想食芋頭卷就試下吧

無諗到係帶奶香吧芋頭味 中間仲夾有一舊芝士奶凍的東東係卷入面

唔鐘意食芋頭味既我都食左大半 我會俾70分!

而草莓撻上面有4粒新鮮草莓已經好吸引﹐不過可能過左草莓最當做既時間

所以甜度只屬一般﹐入面既撻底都有層脫朱古力﹐食完飽肚感非常高 (笑)

還有最後的怪獸爆谷雪糕(細) 身為雪糕怪既我冇可能唔嗌吧!

焦糖爆谷加上牛奶味重的雪糕﹐為呢杯野跑多1一個鐘都制呀!

如果多人既話可以叫個大既~ 仲見到有KITKAT味tim! 好想下次再黎試下~

草莓專頁開通喇！想關注我更多既消息？快d黎like我啦^^

www.facebook.com/BerrysTalk

FB Page: ＊Berry's Talk＊

這裡可以聯絡我: Berry1437@hotmail.com