三五成群的女生相聚，大多都選放題或燒肉等…
最近生左好多暗瘡…都唔敢食太多煎炸野…
好在姐妹們都非常就我去食其他野～相約在旺角新世紀廣場的王家沙
甚少食上海菜的我來說，看到那麼多頭盤的確是幾新鮮～
我們點了蒜茸拍黃瓜－相比起其他這個是最清淡的頭盤，所以要先由這個吃起！
四喜烤麩－其實我對上海菜真係無認識…問了朋友什麼是「烤麩」，原來是生麵筋蒸出來的素食食材，
看樣子有點像馬拉糕／海綿…而四喜一般是筍片、黃花、木耳、花生
這個比較濃味，不過我揀飲擇食只愛吃木耳、花生
蒜泥白肉卷－這個必試！手功之作…而且一口就吞得下去，唔會好狼狽
裡面的瓜很爽脆，上面的蒜泥看似很辣不過沒有這個醬就唔好食啦！
三絲粉皮－呢個又係必點！最重要係麻醬混埋粉皮非常惹味
又有青瓜拌著，就算點好多麻醬都唔會好漏
清粉河蝦仁－蝦夠彈牙，發現唔點醋都幾夠味，點醋就更加有特色
來到這餐至愛！上海話梅骨
上海菜點少得呢道菜呢～～你見我地點2碟就知啦！
絕對送飯一流，比一般的咕嚕雞球還要再惹味，好大陣話梅味，旁邊仲有幾粒話梅呢！
最後我地幾個女仔食唔哂d野…我就當然要打包呢碟做聽日Lunch啦，叮返都超好送飯。
上海粗炒－呢個係我話要既～因為佢地揀哂擔擔麵，我就想食炒麵多d
不過不失，上面的菜配上個汁好惹味，麵就食唔哂啦…不過配菜就反而俾我夾哂@@
擔擔麵－由於之前食到有d飽…已經食唔哂呢個麵…
試左2啖，味道是ok的～又唔會辣～～如果lunch食呢碗會覺得好滿足
鮮肉小籠包－又來到食2舊都唔會好飽既精品！
值得讚入面夠熱，湯夠濃，肉夠鮮…加埋醋點薑絲更加正…
紅油抄手－一向唔太鐘意食紅卜卜浸滿辣油既菜
見到咁紅已經驚驚…自己又唔食得辣…不過試左一舊都OK，可能自己幾鐘意食餛飩，哈！
女仔真係有2個胃！！呢一刻我深深體會到…就算身邊朋友有幾飽都好…
當一上甜品…大家總係會食得落嫁！
高力豆沙－有小小失望…蛋香味是有的，不過入面的荳沙超少><
不過呢種甜品在家都唔會特登整…愈期待反而愈失望…
荳沙窩餅－另一個甜品都係我至愛！從顏色睇黎個賣相ok
不過略嫌連4角果幾舊都唔係好脆口…中間果d更加唔脆-___-
荳沙集中左係中間，令最邊邊既窩餅都無均勻既荳沙…
值得一讚既係王家沙既服務幾好，會不停幫你加茶
不過有時嫌水太滾，未能即時飲得…可能係我自己鐘意飲茶啦～～朋友都無我咁渴水（笑）
同埋食完濃味既菜整碗都係醬汁，又唔想幾種味混埋一齊
職員都會走黎幫你換左d碗佢，呢樣係抵讚既！
草莓專頁開通喇！想關注我更多既消息？快d黎like我啦^^
http://www.facebook.com/pages/Berrys-Talk/301019826603718
FB Page: ＊Berry's Talk＊
這裡可以聯絡我: Berry1437@hotmail.com
沒有留言:
張貼留言