2011年6月21日 星期二

♥ 草莓墾丁遊記。Day 3+ Day 4 【大腳車,牧場,恆春...】(超多相)♥

好開心大家都好支持草莓上一篇既
大家都有留言俾草莓叫我快d再出埋d遊記 ^^
今日終於整理左Day3 同Day 4既相~ 加加埋埋都有7十幾張~
請大家慢慢欣賞!
話說…上一篇講到第3日既朝早…
E。。點解咁亂既?
因為我地要執好行李準備轉去阿飛1館到住~


真係好唔捨得悠遊旅店~因為入面真係好舒服~


悠遊旅店既Check out時間係11點~
不過我地同佢講想遲d先check out 佢地都好好~
都可以俾多我地1個鐘頭~所以我地落去食左野先~
食完野之後先返去推d行李去阿飛到~

冇錯。。我地都係食果間早餐店!

個刺青都keep得好好~
其實keep呢個刺青都有小小技巧~就係果晚返到去用乾紙巾印印佢
印到佢d墨冇得再印~咁樣沖涼d墨就唔會化開哂~會keep得好d


今次老闆娘再推薦多一次佢地店既皇牌~
黃金起酥~都幾好味~不過我地都係最鐘意食果個蛋餅!
係等緊既時間~老闆娘就俾左幾本旅遊書我地睇下~
入面都可以見到我地住果2間既民宿~
我地最後上左悠遊旅店既天台~影下相~
悠遊入面係咁的~~
我地等埋朋友過黎就去玩大腳吉普車!
未出發之前我地影返張相先~
架車入面個內龍其實唔係好大~不過後面既企位都只係岩岩好夠我地4個人
一睇我地就知道唔係好瘦~其實都幾迫迫地~個安全感會大d
不過如果太少人玩既唔知會唔會飛左出去


我都嘗試下企起身~~~好爽呀~~~~
跟住我地就到左個大本謍~係出火既旁邊~
我地玩呢個NT3200 一架車 (4個人)
包由民宿來回~仲包飄水(濕身)~仲去埋附近幾個景點~
講返個刺激既飄山先~Total有40關 都玩到1個鐘~



司機虐待完我地之後仲抽返支事後煙。。。。。
我地就襯住呢個時間就抖一抖~岩岩果round玩得太刺激~
實在好好玩~~~~叫到拆天~~佢唔同過山車果隻刺激~
過山車係機器你知道係好安全~ 不過用呢d吉普車係人手你會感覺唔同d
特別佢過d彎好狠~~如果你自己渣開車(唔飛開車)都知道點渣最安全
不過個司機偏偏係行d唔安全既路~例如入彎唔dup brake。。
係山果到打斜咁轉彎。。呢d係真實渣車冇可能咁癲嫁嘛(你估頭文字D咩)



去完飄山之後 司機就帶我地去濕身!
果到仲有多一架吉普車。。2架可以點一齊玩?
就係一架企定定俾人地衝過黎d水飛向你面囉!
真係哩都哩唔到~ 諗住叫司機唔好令我地濕身~
點知司機冷笑完之後就衝左出去。。。。。之後我地。。。連鞋同內衣褲都濕埋!!


飄山同飄水2樣都好刺激!!!!



之後我地濕完身就去。。。吹乾我地!
去左風吹沙濕住咁睇風景=.= 果日好大風。。所以吹乾左我地


之後司機就車我地返民宿喇~~
司機去飄之前都狂食檳榔~搞到佢好high
仲播埋d 落D既歌~
最後返到民宿沖涼。。點解痛痛地既。。(其實玩完之後成隻手都好累好痛!)
我撞到瘀左!!其實大家應該都有小小瘀到~因為成個人碌黎碌去!撞黎撞去!
我地仲問司機今次係咪最刺激 佢竟然話只係用左4成既力
真係唔敢諗如果佢用8成既力 大家會唔會癲左~


我地黎到阿飛1館最平果間房~NT1200 /1晚
叫做南洋雙人房室~ 地方個大細同悠遊真係差好遠! 


沖好哂涼~我地等果2個朋友租自動車過黎接我地去墾丁大街~

去大街途中~見到個天好靚~立即影下相!


去到大街我地又再食食食!
佢地先黎食個臭豆腐(不是我的菜)
男友再去買炸蘑食!
我地買左個綜合口味(姐係雜錦)
我地要左芥末口味~ 其實d蘑都幾好味~唔錯唔錯~
男友人買左個烤小鳥黎食。。。咩叫烤小鳥?
姐係我地廣東話既"奄春" 我冇食到所以唔知好唔好味~
仲見到有人係到整檳榔~
係大街見到有人賣呢d香~
仲見到由車改裝既店~
呢一幅畫好平~~NT100就有~
友人就買左幅~
跟住我地就去左食泰國野~係墾丁大街的 (呢一餐應該係第一餐入店到入低慢慢食)
呢間好似叫"湄南海音樂餐廳"旁邊有間屈仔的~
我地唔係叫左好多送~碟菜好普通
抄金邊粉唔好食!我只係食左一啖~
串燒肉都OK~ 咖哩蟹超難食!
野食平均黎講都麻麻。。。。。服務員服務得好差~
唔知佢地係咪趕住夜晚做SHOW所以好趕好趕
想落ORDER 問句野~佢答完之後就立即走左去~叫佢拎杯水都唔記得~
因為佢地夜晚會有人妖SHOW
入面有個服務員夜晚都會變左裝~
送上以下2位美女~身材都整得好好~係個喉核改變唔到~


*************************************

到第4日~~早餐我地就去左阿飛早餐店到食~因為係阿飛既館到住都會有得免費食早餐


等緊食早餐既同時就影下相~



入面約有4張台~你一入到去同佢講聲佢就會立即現做早餐俾你~~



我地食既係鬆餅!不得不說~~真係幾好味! 以為唔洗錢既質數應該不太好~
點知整左出黎真係俾我想像中好味~~加埋d綀奶更加好味!



我地琴晚已經租左2人用既自動車FOR今日去牧場同恆春~
所以我地今日有車自己去墾丁大街先搵埋朋友(因為佢地住大街果頭)
見佢地未得住~我同男友就落左去墾丁大街後面個沙灘影下相~~




今日真係好好天!D沙仲好熱TIM!



點解呢邊會冇人游水嫁呢?


男友衝左落去舊木到。。幾驚D水衝哂上黎。。


我呢D咁怕死既人。。都唔敢行得太近~



見到友人之後我地就去租車店問下夠唔夠電去牧場~佢地話牧場都幾近就唔好換電~
咁我地就出發去牧場喇!



呢個就係新鮮羊奶凍~我自己都幾怕羊果陣味~都係覺得麻麻地~~
男友條利就食唔到羊果D味 所以佢覺得OK




之後仲試左羊奶雪條~我地揀左鳳梨味~
入面係一粒粒既鳳梨~幾好味!!


我地渣過黎都幾大太陽都幾熱~入到去開住冷氣所以好舒服~~


BTW。。呢到除左食之外~如果大家鐘意食辣既話。。呢到有一支叫"天下第一辣"
既辣椒膏~連男友咁食得辣用牙籤試一試都覺得超辣!所以我買左2支返去做手信!
俾親戚試下~佢地都話好辣 (記住要一滴一滴慢慢加上去!)


買羊奶雪條既出面好靚~~~~~~


跟住我地就出發去搵真既牧場 係有牛睇既牧場~



唔知係咪唔岩時間睇唔到D動物放牧既情況~





跟住我地就返返去租車店到換電!順便幫自己充下電!飲返杯珍奶先
唔知自己飲左幾多塑化劑。。。。果日未爆出黎有塑化劑所以唔識死~



出發去恆春喇!








今日個天真係靚到爆~~



個海D顏色好靚~~


到小杜包子果到我地就停低抖抖~也餓了!




自己超級推薦-洋蔥烤肉包!入面有D黑胡椒 辣辣地又幾好味!
跟住就推薦 培根香腸包~幾野味~
男友就食左個獅子頭包~有小小辣~男友讚幾好味~不過就咸左小小~



由小杜包子再行過D就係恆春喇~



我地經過一間賣蛋卷既鋪~不過試食過之後都係覺得麻麻地
點解蘇c黃會咁推薦嫁咩~ 唔通試食果d放得耐左唔脆?


之後我地就去食綠豆蒜~雖然我地搵唔到最出名果間~不過當食過就算~
呢豌野我都食得幾多~因為幾好味~有d冰係面~有d糖水有d紅綠豆~
對於當時口乾既我同埋出哂汗既我一流~






恆春入面~



之後行行下我地再去食 冬粉鴨~
1碗NT40 4個人食~諗住唔食得多同食下就算~
呢一間個湯幾清~不過個鴨就麻麻~



之後我地行下行下就見到海角7號既場景~就影下相(雖然自己未睇過)



烏龍接骨員。。。會人邊個肯俾佢接骨!?


之後我地再搵到一間出名好多既食冬粉鴨同滷味~
呢一間要6點老闆先拎D貨返黎賣~所以大家由5點幾已經係到等
當老闆返黎果陣大家就出去排隊喇~



好多本地人都係到食~~
老闆手起才落~~~超快手就切完~當時我仲拍左個VIDEO
老闆切野好勁!最後我地呢一餐Total食左NT400左右
超級平!!! D滷味仲要超好味~~特別係D豬耳!好入味~
鴨舌都OK~鴨腎好爽口好正!超級推介呢間野~~~~



之後我地再渣返車返去民宿 (因為我地架車已經冇電 雖然仲識郁)
我地都唔敢再渣返去大街 所以直接打去租車店~叫佢過黎收返D車同埋車我地去大街~
(佢地店都係大街到) 

係悠遊旅店到住會有一個計程車接送由大街返去悠遊旅店
(雖然我地已經唔係果到住) 個計程車司機都打俾我地問我地係邊~話車我地返去
果陣我地仲擔心緊點返去阿飛民宿~ 都有人車返去~所以我地都趕唔切買D野食先拎返去
好過自己搭公車XD

返到去之後我地就去附近既7仔到買叮叮食~



推介右邊既果微醺~好香幾好飲~酒味都OK~
左邊既巨峰反而冇右邊果個咁好味~



第5日既朝早~我地再去阿飛早餐台到食早餐(住係阿飛到就免費有得食早餐)
琴日就係食鬆餅~今日就係食三文治~漢堡扒三文治都幾好味~



不過自己最不滿既就係。。。。。。。。。阿飛間房入面個私隱度唔夠高。。
我應該點樣同大家形容呢?影左d相俾大家睇~~
我地一行到去果道門係木門。。都唔緊要~
木門->窗簾->玻璃門
咁姐係整個窗簾係可以俾外面既人打開望到入面?
個木門話就話入面既人先可以開~ 如果入面間房係冇人 (姐係冇人係入面鎖個木門)
外面d人就可以自己開到個木門同打開個簾望到入面。。
所以呢2晚男友都好擔心安全既問題~因為我地仲要住係地下~近馬路~
所以呢間咁平唔係冇理由嫁! 算啦~NT1200 唉~~



唔鐘意D人衝完浪之後掛哂D衫褲鞋係門口~搞到好似雜物房咁~







今日就要走喇~~我地班機係1:40分~只要早半個鐘去到機場就得~
我地前幾日就訂左計程車由民宿去恆春機場~NT400一架車
都係由悠遊旅店幫我地訂~因為唔太鐘意阿飛D服務~




其實搭呢個內陸機只可以帶10kg上機~
不過我個行李應該都有16KG。。加埋男友果個行李 總共有28kg
我幾驚佢要收我錢。。點知佢冇出聲之後就叫我地坐係到等下~原來全機只有4個人搭。。。
個空姐都話:是正常的
我地4個就是咁樣包機去台北的XD


無錯。。呢個係登機門!



全機4個人只有3個行李~



我地見到呢部機就好high 係到狂影相
個工作人員仲好好人咁幫我同男友影合照! (超nice!)



冇諗到可以咁樣行上飛機XD (好似果d總統搭果d機好似都係咁樣的)



我地出發去台北lu GOGOGO!!
最後一落機就有車接我地~跟住就去拎行李~~
行李真係等多唔洗等。。得3個行李~勁快手就拎完就去搭的士去台北車站~~


其實我地開頭同d人講我地會搭飛機上台北。。
d當地人超級傻眼。。佢地仲問反我地轉頭"乜仲有飛機嫁咩?"
我地啞左。。。。問10個人10個都問點解我地唔搭高鐵。。
我地就話:如果搭高鐵就要去返左營~要搭客運過去左營
果d錢同時間仲要拖住行李去都吃力~咁不如就搭飛機去就唔洗煩~
都只係搭NT200既計程車就去到機場~

可能大家會問。。個機票幾點~原價係NT2292
佢而家促銷價NT1411就得~仲唔洗俾其他錢/稅 (可能包埋啦~唔知XD)
我地係立榮航空個網到訂的~

其實之前係HOT墾丁呢個網到見到。。。
台北-墾丁直飛只要一小時,還沒回神就到墾丁了。
旺季每星期六、日、一會飛,淡季目前2009年11月起是星期二、四、六飛,希望大家多多支持。
目前因為客流不足
只有立榮航空賠錢提供服務,希望大家多多支持,坐飛機比較快但不會比較貴喔!!!
飛機一小時單程1500元起(經濟艙),高鐵+客運約1850~1900元要4小時!!!!!
來墾丁比高鐵還便宜

見到都唔係好貴~所以就試下搭飛機上台北~

其實咁細既機自己都有諗過安唔安全XD
好彩。。。。反而呢架機好定~衝上天果下仲有推背既感覺 時速應該超過200既感覺
1個鐘頭左右就到松山機場喇~都幾快~~其實都唔係幾恐怖姐個飛機!

至於台北day5,6,7,8係點?
遲d再上黎同大家share啦

希望你們會喜歡意草莓的文~ 喜歡的話請給一個推和留言吧 :)
你們的支持才是草莓出文的動力呢~
LOVE YOU ALL 

沒有留言:

張貼留言