今次好開心可以試到TRIM EC~
因為草莓去完台灣返黎足足肥左5-6磅!只怪台灣既野食實在太吸引
不知不覺間就肥左咁多..雖然磅數既增加唔代表肉眼睇會睇得出..
不過友人都話我手臂肥左..自己都覺得條腰粗左呀 >”<
咁岩呢個時候可以試到TRIM EC既產品~ 真係太好喇！
今次草莓收到既精美禮物包入面包括有：
2 x Coffee Deluxe 頂級咖啡 7s
2 x Lime Tea 青檸檬茶 7s
1 x Tom Yum Goong Soup 冬蔭功 10s
1 x Tomato Soup 蕃茄湯 5s / Mushroom Soup 蘑菇湯 5s
到底特飲同收腩湯係點飲法？同邊一個係朝早飲邊一個係夜晚飲？
呢到有一個餐單係由營養師精心設計的～
以下既燒脂特飲姐係（頂級咖啡／青檸檬茶）
收腩湯姐係（冬蔭功／蕃茄湯／蘑菇湯）
而草莓見到午餐入面寫住＂輕鬆一下，均衡正餐＂
到底呢個係咩意思？原來就係可以食返你平時食既午餐 唔洗特別去食燒脂特飲同收腩湯
大家都知道如果返工既時候 有時都未必日日帶到飯盒～
有時同事叫你一齊出去食飯～都唔好意思唔一齊出去食飯嘛～
好彩呢個餐單入面寫住可以食返平時既正餐～當然係要適當既正餐啦～
其實個早餐同草莓平時食既野都差唔多～都係火腿通粉～麵包之類
至於下午茶反而草莓自己少食下午茶～
而大家最關心既當然係個晚餐啦！草莓最怕個晚餐係完全食唔飽人既
要知道。。夜晚肚餓果種感覺好慘。。夏天都話好ｄ 如果冬天餓住訓仲慘！
不過晚餐草莓就冇跟足個餐單黎食～
不過食晚餐之前草莓會先食左個收腩湯先再食平時既晚餐～咁樣會食少左好多～
等草莓先介紹左個收腩湯先～包括有３種味道俾你揀～
包括有（冬蔭功／蕃茄湯／蘑菇湯）
Trim EC既收腩湯不但天然好味，含粒粒原隻靚料
而且仲用左瘦身界的３Ｌ氨基酸纖體法～以３００％速度去消脂去腫
配合高纖Fibersol-2專利配方黎增加大腸既蠕動～幫助排走毒素～
而且收腩湯入面仲加入左營養素甲酸銘成份，
可以令食用收腩湯後有持續既飽肚感～令食量下降５０％！
係收腩湯入面真係有好多蘑菇粒～個香味真係同平時既罐頭蘑菇湯無異～
不過同平時既罐頭蘑菇湯既最大分別係
收腩湯入面都有ｄ好似充滿碘粉質既粉狀咁～唔會只係得一ｄ湯水～
個飽肚感會高ｄ～會易ｄ飽～
食晚餐之前草莓會先食左個收腩湯先再食平時既晚餐～之後就食返媽咪煮既飯
飯既份量比平時少左一半以上！（平時我都係食半碗多小小～）
不過最主要都食多菜少肉為主～同埋飲媽咪靚湯就已經好飽！
收腩湯全部都係加150ml既熱水～如果太多水既話會味道冇咁濃就冇咁好味～
冬蔭功湯飲後感：
就算草莓本身自己都唔係食辣既人～都覺得呢隻冬蔭公既辣到係可以接受到～
裡面有ｄ冬菇粒同埋蝦米粒～所以啖湯飲落去有一陣甜甜地既海鮮味～
草莓未飲呢包冬蔭公既時候～以為會同街外餐廳飲既冬蔭公會好大分別～
點知個味道都唔錯～由其是係夏天飲仲更加好飲～入面會有一陣青檸味～
每一包收腩湯入面都充滿碘粉質既粉狀咁～會易飽ｄ
蕃茄湯飲後感：
有時食早餐既時候好懶～唔想落街買早餐食～我就會開一杯收腩湯飲當早餐
食完收腩湯會冇咁肚餓～再加幾塊餅乾～都可以頂得住！岩哂趕時間返工返學既人！
而味道聞落去同飲落去都會偏酸酸地～唔會太甜～不過入面既蕃茄粒真係好多呀～
每一包收腩湯入面都充滿碘粉質既粉狀咁～會易飽ｄ
以下落黎～草莓同大家推薦下我最鐘意飲既野！
Trim EC既特飲包括有以下呢４種（蘋果綠茶，頂級咖啡，可可口味，青檸檬茶）
而草莓拎到既特飲有頂級咖啡同青檸檬茶～
其實冰凍既特飲並唔難沖～先加小小既熱水整溶左ｄ粉～
之後再加小小既水等佢冇咁熱～再加冰～就ＯＫ嫁喇！
開出黎都有好香既青檸味～飲落去幾清新～
不過講到自己最鐘意～就真係呢個頂級咖啡～
草莓平時真係唔太飲咖啡～就算去到星巴克都係飲chocolate cream chip等咖啡以外既野飲！
不過呢杯咖啡我覺得反而又幾好飲！
我同男友有一次經過吉吉島見到有Ｘ巢果部千幾蚊既咖啡機做promotion～
我地２隻都有飲完～都覺得Trim EC既咖啡仲好飲過Ｘ巢果部千幾蚊既咖啡機整既咖啡@O@!
草莓覺得呢杯咖啡既味道唔會好苦～幾岩我鐘意飲甜既野～
而且味道仲好香既咖啡味～原來呢個頂級咖啡是以巴西頂級咖啡豆去調配～
草莓真係好鐘意飲呢杯呀～
最重要係佢每一杯入面既Kcal 只有６６卡路里～女士唔擔心怕肥喔！
不過係產品包裝上面有點令人混亂。。
因為頂級咖啡同青檸檬茶既包裝睇上去都冇咩分別～所以會令大家分唔出～
要係背後既地先可以見到有ＬＩＭＥ ＴＥＡ同ＤＥＬＵＸＥ ＣＯＦＦＥＥ既字樣黎分別
希望Trim EC改善到呢個問題～
例如係包裝既面頭有一個提示SHOW到到底個包裝入面係咩特飲咁就好喇～
今期最新既忽然一週～ME!入面都有Trim EC既廣告～
入面影既相靚過草莓自己影果Ｄ 所以放出黎俾大家睇下ＸＤ
Trim EC用後感:
草莓試完之後磅數下降左2-3磅～（相比去完台灣之後既磅數）
至於腰既size 因為經期既關係好難去量度到實際既size~~~因為肚既位置好漲～會唔準~
同埋飲完Trim EC既收腩湯去廁所係易左～唔知係咪因為可以刺激到腸部既蠕動而咁暢順～
最重要係～減肥唔洗減得咁辛苦～日日都食唔飽會好慘！
最後好多謝Trim EC俾呢個機會俾草莓可以試到佢地既產品 ^^
想了解更加多Trim EC既野 可以睇下官網既介紹 ：
最近新文：
沒有留言:
張貼留言