近年既護膚品的確有好多新既特破～科技和技術的努力下
令到一支cream愈黎愈多驚喜！等等下變泡泡，茶茶下變水珠都冇問題！
而以前我地獨愛日本野既同時。而家韓國、台灣通通都追緊上黎喇！
黎至咩國家已經不再重要（大陸野始終都仲會有ｄ驚！），最緊要百花齊放！
今次好多謝Sasa俾我呢個機會可以試到Dr.G既產品 ^^
韓國最大醫學美容集團Dr.G，由醫學博士及專業皮膚科醫生結合多年臨床經驗
於首爾，每8位女性就有一位是Dr.G美容護理站的用家
Dr.G的皇牌保濕面膜更被長期安排於韓國總統客機上以供總統夫人享用
Dr.G揉合醫學界的專業皮膚知識、頂尖科研技術及優質純正天然原料，
用心研發護膚系列。其護膚配方力臻完美，讓一眾女士擁有真正健康、亮麗及內外完美的肌膚。
早前推出專為年輕肌膚而設的Beyond Young青蔥水漾系列
蘊含4種專利天然成份來改善油脂過多、暗瘡爆發、角質層變厚等問題～
１）水果複合物
♥ 採用超聲波方法萃取東方草本成份，
蘊含多種維他命、氨基酸及類黃酮素，有效中和自由基
♥ 1%或以上的Newplex，抗氧化能力達80%或以上。
２）萃取自山扁豆的DN-AGETM
♥ 有效保護肌膚細胞內的DNA免受紫外線侵害，加速肌細胞自我修復。
３）辣木的PurisoftTM
♥ 萃取自辣木的天然蛋白質，有效保護肌膚抵禦多種重金屬及外界污染
♥ 它含有比橙多出7倍的維他命C，比牛奶多出4倍及2倍的鈣質及蛋白質，
比紅蘿蔔多出4倍的維他命A及比香蕉多出3倍的鉀質
４）多醣
♥ 天然聚合物的代表之一，有效為生長於極端環境中的植物提供充足水份。
♥ 多醣比玻尿酸的保濕能力更強，而且能刺激細胞生長及保護肌膚免受外界環境侵害。
每次收到Sasa郵件既時間真係會發自內心既笑！
係覺得Sasa真係好有心咁人手寫一張紙俾你（呢份心意好重要！）
我相信每個人都會感受到Sasa對我地既重視同關心！
張紙爆左草莓上次遲左交確應mail tim XD
（好對唔住呀～因為真係遲左小小先覆e-mail 所以令到冇得參加～我以後唔敢嫁喇^^）
Sasa既staff 都好貼心咁提草莓呢支cream既功效～係好岩夏天出油用！
不得不讚呢位staff手字真係好靚～不妨公開下係邊位，點名讚下佢XD
一打開就見到入面有個＂Ｏ＂位保護住佢～
支真身就係咁嫁喇～見到隻色已經覺得好清爽好冰涼～
上面仲有一個蓋去保護住佢唔洗咁易hi到tim
係包裝出面有列明產地係韓國～ 支Cream仲有３０ML tim～
呢支Cream最大既特點係個質地！等草莓俾大家睇下啦～
岩岩推開既時候～睇落幾霧面～
到推開左小小之後會見到有小小光澤～仲係有小小霧面～
再推耐小小之後會出現小水珠～
推推下之後由小水珠之後大水珠！而個水份唔會因為變左水珠而乾左～
試用後有感：
呢一排都好鐘意用呢一支～不但又水又唔Lup之餘
清爽既質地更加係大愛！平時化妝之前都唔鐘意茶得太黏～（直頭有時唔想茶cream）
不過呢支我真係早，午，晚都會用～因為夠哂清爽又夠水～所以都好鐘意用呢支～
等草莓黎個評分俾大家作一個參考先（最高為♥ ♥ ♥ ♥ ♥）
價錢：♥ ♥ ♥ ♥
（ＨＫＤ １６０／３０ＭＬ） 呢個價錢都唔算好貴～而且有30ml呢！
清爽度：♥ ♥ ♥ ♥ ♥
基本上不會出現lup和黏的情況～夏天用一流！沒有什麼負擔！
而且質地由少許霧面轉化為水珠統統操控在自己手中～
如果夜晚用的話，可以自行再另加面霜在乾的地方或全面～
回購度： ♥ ♥ ♥ ♥
基本上用完之後都有８０％想再回購！因為價錢和質地都好適合
搵到岩自己既cream仲要諗！？
睇到呢張相都知道草莓有幾＂愛用＂呢支cream啦 :)
青蔥水漾保濕凝露 Dew Drop Moisturizer
集保濕、控油、抗氧化等功效於一身，
使用時感覺清新、舒爽、保濕、肌膚無負擔，用後肌膚幼滑細緻，粉嫩通透。
使用方法：早晚潔面及爽膚後，取適量均勻塗於面上。（塗抹時，會感到凝露化為露珠的水漾感覺）
再次謝謝Sasa ^^
希望你們會鐘意草莓的文~ 喜歡的話請給一個推和留言吧 :)
你們的支持才是草莓出文的動力呢~
ＬＯＶＥ ＹＯＵ ＡＬＬ
沒有留言:
張貼留言