相信唔少女仔都好鐘意去high tea
除左甜品比較精緻之外，當然要看送什麼禮物啦！
呢一天約左好姐妹黎帝京酒店食tea
今次仲同一個我好鐘意既牌子Elizabeth Arden合作
蜂蜜檸檬蜜桃蛋白杯 - 入面好多蜜桃非常吸引！
上層既蛋白有輕輕燒過，帶點脆脆口感，食落又唔會好甜
紅絲絨朱古力杯子蛋糕 - 超濃朱古力味配上紅絲絨既cream係頂好夾
不過食太多就會覺得好膩，最好一開頭食左呢個先
芝士煙肉帶子撻 - 略嫌隻帶子有小小凍左 如果唔係同芝士煙肉熱辣辣放入口仲正
草莓熱情果慕絲蛋糕 - 外觀好吸引，咬落去熱情果味濃仲非常creamy tim
綿綿既口感之後就到餅底係一塊牛油曲奇，立即有返d咬口
炸迷你熱狗卷伴芥末醬 - 炸野我一向鐘意食！今次仲有熱狗同芥末醬加埋 出奇的夾
外面係脆卜卜既炸麵包，上面仲有一片仔酸瓜更加fresh
甜椒牛油果蟹肉酥盒 - 酥類多數都唔會差得去邊，牛油果同蟹肉放係入面
一啖酥脆過後有蟹肉味，唔錯！
迷你燒烤牛肉漢堡 - 粉紅色既漢堡好靚，入面大大舊牛肉一啖都食唔哂
呢舊食完都幾飽，仲有就黎流出黎既芝士 好有罪惡感呀！
草莓食tea真係冇乜章法，唔會話食哂咸先到甜
鐘意間住間住咁食…哈哈 所以又返返黎甜品啦
焦糖芝士蛋糕
黄金香芒慕絲蛋糕 - 金字塔造型上面仲有黄金好高貴
芒果慕絲做得好軟滑而且芒果味都好濃郁
花生醬草莓冬甩- 來到最驚喜既冬甩！
本身諗住佢平平無其就冇幫佢影相...食完第一啖真係要影下入面先得
入口外面好軟熟，咬落好煙韌
入面既醬先係重點，花生醬同草莓果醬落得都唔少，真係好多食多舊~
食完tea仲可以拎走Elizabeth Arden超進化黃金導航禮物包乙份 (好抵呀!!)
呢個tea set 只做到3月尾咋！ 有興趣既朋友就留意以下詳情啦。
閃耀春日下午茶
供應日期：2018年1月1日至3月31日
時間：下午3時至6時
價錢： HK$508 兩位用 (包兩杯特飲)*/HK$270 一位用 (包一杯特飲)
**另加一服務費
地址：九龍太子道西193號帝京酒店3樓
訂座電話：2622 6167
沒有留言:
張貼留言