舊同事飯局揀左西環Cafe 2相聚，貪地點方便大家收工過去
精選海鮮拼盤 $638 是必點的！
入面有好多海鮮，一盤夠5-6個(女仔)食嫁啦~
麵包蟹我就食左2啖d膏，都好新鮮
我最愛當然係生蠔啦，呢隻雖然唔係好厚身但總算是新鮮
有驚喜的是呢隻蜆，真係肥大肉厚漲卜卜咁
咬落去仲好鮮甜，不知不覺就食左好幾隻
點左蟹肉南瓜湯，呢個幾有驚喜
南瓜好濃，唔會淡到水咁
上面仲有好多蟹肉，混埋一齊飲更添口感
另外有一個黑松露湯都好似唔錯咁，下次可以試下
燒原隻深海魷魚
呢盤燒魷魚好快俾我地清哂，因為燒得好到位
出面乾身而入面唔會太乾，岩岩好熟先做到入面呢個效果
蒜香紫蘇白酒燒海蜆
呢個係我要求點既~ 因為頭先個凍蜆好好食
所以叫埋呢個白酒煮海蜆
最期待就係呢個斧頭扒，有分唔同size 睇你幾多人食而叫~
炭燒味好味，而且肉味香濃入面仲好腍，仲帶粉紅色
我習慣係食原味(唔點醬)先，之後先試點左芥末或鹽既味
沒有留言:
張貼留言