嘩嘩嘩，真係冇諗過食All Day Breakfast竟然係可以拎住隻大龍蝦鉗！
呢度D野食果然同店名一樣咁XXL！ 同本人一樣身形咁XXL er....
朋友話呢間店是藝人黃長興是老闆之一，夜晚是食海鮮 / 西餐為主
而今次晨早返完公司做野，搭2個站去到炮台山行去木星街
餐牌大多以Dinner為主，呢個鐘數都係叫個All Day Breakfast試下
龍蝦包同鵝肝和牛漢堡呀呀呀呀…真係聽到都飽 真係幾個人黎share抵返哂
連餐巾都有質感又咁靚，好期待D野飲唔知又會係點呢？
小女不才，見到隻大龍蝦就忍唔住要叫呢個 Deluxe All Day Breakfast $188
因為食咁多次All Day都未見過食材會用上龍蝦 (笑) 反正夜晚食更加貴
咁晏就食就感覺平一節啦 ~
朋友本身唔係特別鐘意食All Day Breakfast
都版我說服到叫一個黎試，齊齊做下一日既港女先！
普通版既All Day Breakfast $128
2份All Day Breakfast 都大同小異，
先讚讚個包很貼心是心形的！大家有留意得到嗎？
是甜甜的，有D似嘉頓麵包果隻蜜糖麵包味
仲有腸、煙肉、煙三文魚、黑松露炒蛋、蕃茄、薯仔、炒菇、茄汁豆
特別讚一讚薯仔超好食！一咬落去唔會太腍 但出面個皮仲有煎過既脆口感
同黑松露炒蛋D蛋夠滑，好香黑松露味
炒菇同朋友一致覺得好新鮮好好味，唔會炒到腍到唔爽口
用鐵鑊裝住既All Day Breakfast 少了港女味，更帶點Raw味
私心想食既龍蝦鉗都冇令我失望，晏就食龍蝦果然有霸氣
餐飲就揀左凍Mocha，味道偏淡
可能熱飲的話咖啡味會濃郁小小
女仔見到甜品果然係會開動第二個胃…
明明已經好飽既地步，仲可以食到Apple crumble $98
上面既脆脆同焗到腍身既蘋果形成對比
好香蘋果味，加埋凍冰冰既雪糕…好滿足呀！
好鐘意呢間既坐位，好適合一班人黎食
台又夠大，放滿哂全台都唔覺得好迫坐得又夠舒服
不過希望可以九龍區開返間啦…畢竟炮台山對我黎講真係好遠…
如果唔係經過開都好難走咁遠黎食…
A la maison XXL Seafood & Grill
地址: 天后木星街18號F-G鋪
港鐵炮台山站 A 出口, 步行約5分鐘
電話號碼: 2510 0123
營業時間 星期一至日:11:00-23:00
沒有留言:
張貼留言