2016年10月2日 星期日

♥【分享】偽素顏。把眼線和眉毛都內置了! 初試紋眉+內眼線 ♥


自從內置左氧氣眉同紋眼線…就知道所謂的女神都是內置了很多東西 (笑)
而家就連素顏都總算見得下人! 化妝果陣仲慳返好多時間!
呢排不停被身邊既朋友同讀者追問,到底整左眉同眼線既效果
觀察左足足1個月 終於得閒打呢篇文啦!

草莓是在位置尖沙咀既Brow Brow HK Beauty整的



首先Hebe會幫你卸左眉上既妝,再同你分析下你本身條眉既問題
而草莓左右眉都係唔balance (這是好正常的),
之後會溝通下俾建議你咩眉最襯你面型

或你特別想既眉型都可以同Hebe講,
例如而家好行一字眉,Hebe會依你面型建議你適合既長度或角度
例如你想要個眉型無辜D 或 睇落菱角多D似女強人feel又得

Hebe會叫你合埋眼同打開眼 睇眉同眼既距離 同成個感覺靚唔靚
Oh…有畫同無畫真係差好遠呀!

用眉筆畫完個草稿之後你可以望下鏡睇鐘唔鐘意
呢個時候仲可以修改,之後改就好麻煩嫁啦~

跟住Hebe會係草稿上既邊邊,
用特別既筆畫個眉框出黎,再卸走本身既眉筆


再敷上麻膏加保鮮紙15~20分鐘左右就可以紋眉啦!

紋眉過程其實真係唔多痛,
只係feel到有野吉吉地 or 刮刮下咁樣,唔難受的
大概上2-3層色就完成 過程Hebe都會俾鏡你望個效果


草莓整完既即時效果係咁

Hebe順便幫草莓整埋內眼線 姐係眼睫毛既再入面!
其實我想整內眼線好耐!!
因為我隻眼唔畫眼線實在太無神,已經好多朋友咁同我講 (哭)

一樣啦~ 係內眼線敷上麻膏再上色,唔洗講 一定痛過整眉既~
如果你乖唔流眼水、唔縮既話過程大概15分鐘左右啦
而草莓體質特別奇怪,對麻膏好快無效,就好快feel到痛
所以Hebe再幫我加麻膏再俾時間我抖抖再做,真係麻煩哂Hebe呀!

當日整完眉既即時效果係咁,要注意就係做完果2個鐘唔好掂水

頭1星期既眉會深色小小 (睇落都係似深啡姐) 
但又未去到出唔到街既地步,草莓隻眼比較敏感
所以做完隻眼會腫腫地,正常會腫1-2日左右


大家一定好關心整完之後係咪要做小虎妹好耐,
1個星期之後就會甩皮,記得唔好多手去撕走,要等佢自己甩出黎

而眼線都會結焦摸落去會硬硬地咁,一樣都唔好去整甩佢

俾大家睇下未整氧氣眉既Before同整左既After對比相

媽阿!原來我本身條眉咁恐怖




而家化妝只係畫眼尾既外眼線 同加小小眼影就可以出街啦
(當然底妝都要化啦)

現在只要化粉底+遮瑕+胭脂+眼尾的眼線+眼影+唇膏就可以快速出門了

日常的素顏是這樣的


所謂的女神都是內置了很多東西 (笑)


整完氧氣眉除左等佢自己甩皮之外,
仲有小小野要留意的,就是敷面膜時盡量唔好掂到條眉
所以我會用手撕大面膜眼果個位置,同盡量唔好用卸妝既產品成日擦條眉
因為始終都係顏料,雖然唔會一擦就甩,但為左可以Keep得耐D 最好避開啦

做完第一次氧氣眉或眼線 1個月之後要返去補色
到時可以再同Hebe講 邊到想深色D或想眉頭可以再畫前D 等等既微調
經過再補色之後 氧氣眉可Keep 1-2年 ,而內眼線就可以Keep 2-3年
所以要睇你平時點樣Keep住啦~


草莓一直都唔敢紋眉同眼線,真係好驚一整衰咁就玩完
不過當睇到Hebe好多既真人before n after既作品相之後
都好放心交俾佢整,其實手勢真係好緊要,Hebe擁有專業導師資格
於台灣及韓國共4間學校畢業,精通兩地技術,
仲有開班教韓國紋繡及半永久定妝教學課程,
更榮獲「2016 "IFBC"濟洲國際半永久化妝大賽」金獎及台灣紋繡比賽特優獎。

我仲見到Hebe有做紋髮線同手工紋咬唇,自己都心郁郁想內置埋呢2樣呀!
到時我遮下暗瘡就可以出門口啦喂,方便到呢!


Brow Brow HK Beauty
尖沙咀加連威佬道2-6號愛賓商業大廈1007室

查詢及預約

Whatsapp:6338 9719 (Hebe)
Facebook: https://www.facebook.com/Browbrow.hk/
Website: http://www.browbrowhk.com


【邀稿。這篇與 Brow Brow HK Beauty 合作、療程並由品牌提供】 
草莓專頁開通喇!想關注我更多既消息? 
快d黎like我啦^^ www.facebook.com/BerrysTalk 
FB Page: *Berry's Talk*

沒有留言:

張貼留言