2016年5月23日 星期一

♥【美食】泰式High Tea。尖沙咀諾士佛臺-泰燒遙 ♥


星期日和媽媽去尖沙咀行街~就搵咗一間位於諾士佛臺的泰國餐廳食下午茶
剛好3點鐘可以點下午茶~但因為我地是第一台嚟食下午茶既客~所以餐廳準備需時
仲好貼心俾我地入去坐住等~畢竟都行左咁耐街有D累~

 
我地叫左一個泰式下午茶 HK$338 / 2人用
仲嗌左椰青飲,每個需要另加$10


 
SET既下午茶一上,再漫長既等待都係值得~~
因為佈置得好靚~就連媽咪都立即叫我幫佢影相~(成盤野都未放低)
咁肚餓當然由最易食既野開始先~


呢款西班牙黑毛豬豬頸肉,咬落好有陣陣炭燒味道
肉質彈牙又唔會好肥~仲配有3種醬汁可點~




 
跟住試個北海道元貝青木瓜沙律,第一啖緊係食左粒元貝先~
青木瓜非常爽甜,加埋豆角更加有咬口,但食食下先feel到佢d辣味


炭燒虎蝦 - 虎蝦已經去走個殼,方便一啖咬落去連埋下面個多士一齊食仲正
泰式燒雞翼 - 雞翼唔乾之餘仲幾脆口,唔知用左咩材料去醃呢~泰式味道好香濃


泰式生菜包 – 非常有驚喜的生菜包!先讚讚塊生菜爽口又新鮮
嗱~唔好睇小塊生菜既重要性~夠新鮮已經好加分
重點係肉碎炒得好香,重點係…好辣…愈食愈辣果隻!
搞到我好快encore多個椰青,不過最後都有包哂D肉碎食既 冇哂到~


最後來到2層甜品環節,由於對泰式的甜品認知不多
一見到呢舊彩色椰汁糯米丸子同另外一款似係綠豆做既糯米糕,幾新奇!
2樣糯米做既甜品都好煙韌,綠豆做果款冇咁甜岩媽咪食,我會鐘意食彩色果款多d
另外西米糕都唔錯,上面既椰汁唔會好甜又夠滑身




草莓專頁開通喇!想關注我更多既消息?快dlike我啦^^
www.facebook.com/BerrysTalk
FB Page: Berry's Talk
這裡可以聯絡我: Berry1437@hotmail.com

沒有留言:

張貼留言