晚飯前先來個冰凍的雪糕當下午茶，就來到元朗教育路搵雪糕
由於係星期日都比較難搵位，我先去搵拎定號碼，朋友泊好車再行過黎都要等多一陣先有位
眼見不少大人細路老人家都有點雪花冰，看來都幾受歡迎
我地３個女仔點左一杯野飲，一個雪糕同一個雪花冰
▲朋友唔想食野，所以只叫左杯蘋果汁HK$35
成個新鮮蘋果拎去打成汁，唔會好甜但好多渣
▲朋友指定要叫雪糕類，怪獸脆脆焦糖花生雪糕HK$42
不得不讚雪糕好香牛奶味，係偏甜小小不過個人幾鐘意食甜野所以覺得OK
中間係空心所以其實一個人都可以食得哂，不過個杯其實都幾細有時會一邊食一邊流落黎
要食得好有技巧，一邊食要由底刮上去先唔會流落黎
▲Oreo雪花冰HK$60 （製作時間需要20分鐘）
當我地食到個雪糕一半先到個雪花冰，諗住個雪糕都幾好食，
呢個應該唔差得去邊，咁就出事啦！
首先HK$60呢個價錢係抵既，係TST食都起碼要70-80蚊
不過佢面頭既粉太多不停咁掉落黎都算，入面既雪花冰其實都幾細緻好棉，
但味道係非常淡！只要好輕微既牛奶味（尖沙咀韓冰好味過佢太多倍）
食哂面頭既粉同朱古力漿就無野好送到d冰，起碼韓冰食到底都唔會淡哂
姐係要你空口咁食淡而無味既冰，講到呢到你都諗到我食到一半已經唔再食啦
總結：
除左個雪花冰超差之外其他野係值得一試，
見到蛋糕好似都幾吸引下次可以黎試下
草莓專頁開通喇！想關注我更多既消息？快d黎like我啦^^
www.facebook.com/BerrysTalk
FB Page: ＊Berry's Talk＊
這裡可以聯絡我: Berry1437@hotmail.com
沒有留言:
張貼留言