西環對於住係遙遠既北區人黎講係…無乜事都唔會入去！
因為朋友話佢屋企樓下有間野食斧頭扒好正，咁好啦～順便當去探下佢～
不過由我公司灣仔搭叮叮入去都只係30分鐘，已避開由地鐵站行好遠先去到…
慢慢搭下叮叮，吹下風諗下野又幾舒服呀～（好彩果日唔熱）
搭到去水街到落行一個街口就搵到café 2，幸好平日夜晚唔需要等位就直入
▲烤雞肉芝麻沙津 $69
呢個雞肉沙津不過不失，至少麻醬不會同你慳，每一片都有沾到醬
不過雞肉我就無食到，因為留肚等我個扒同小食～～
▲水牛城雞翼 $69
細心已經拆好哂做單骨，直接拎住黎食就得
其實唔講都唔知呢道叫水牛城雞翼，
因為睇落似炸雞，不過食落肉質都幾嫩唔會好乾身
▲泰式芝士蝦丸 $83
呢個芝士炸蝦球好食！我平時食炸野比較少點醬
所以旁邊個汗就無事到，原汗原味先係最原始既味道嘛～～
入面既芝士一咬就爆哂出黎～係咬前但爆後果隻@O@
蝦丸都幾彈牙，朋友都讚呢個芝士蝦丸好食～
▲周打蠔肉湯 $48
朋友推介呢個周打蠔肉湯，可以想像下只係平時飲到既周打蜆湯變左蠔
好味既係湯底好濃偏稠身，唔會太水，感覺入面有好多打碎左既蠔混埋咁
如果你本身係好怕蠔果陣腥味，呢個你未必會鐘意
都係果句啦，襯熱飲陣腥味就唔多覺，起碼我接受到呢陣味又覺得正喎
起碼特別過普通蘑茹湯囉我覺得～
值得一讚既係佢野飲選擇都幾多下！可以滿足哂飲酒、唔飲酒、想飲特飲既人
而我最愛當然係Smoothies啦！第一眼見到杯Cookies & Cream隻眼已經叮一聲
其實旁邊果杯草莓Smoothies都好想試埋，不過驚飲咁多冰類會肚痛～
實物黎到都冇失望，因為佢打得都幾細滑，幾香cookies味
上面既Cream雖然無星巴克果d咁正，不過總算合格啦！
▲炸甜薯
開頭以為呢個係普通芝士薯條，原來佢係甜蕃薯條黎！
比起薯條多一份甜味同新鮮感～炸野熱氣野我都特別鐘意食～
面頭既芝士的確係非常吸引，加埋佢個芥末蜜糖醬幾正～
上碟時係熱既，但係一凍左d芝士就痴埋成舊好難分開
搞到身邊既朋友只敢拎底無痴到芝士果幾條（因為佢地唔想成舊食）
最後由我KO哂面頭成舊芝士，哈！
▲蒜香白酒焗海蜆 $88
呢道係必點！半隻手掌咁大既蜆加左白酒去焗，
唔洗太多醬汁去調味已經食到蜆既鮮甜味，好正！
肉質都非常彈牙，因為夠哂新鮮～
▲炭燒澳洲斧頭扒 50-60安士 $688
重頭戲黎啦！上台時旁邊既食客都望住…因為真係好大塊呀！成50-60安士嫁喂～
第一次食咁大塊牛扒…唔怪知個名叫斧頭扒啦，因為加埋舊骨真係好似斧頭
切既時候都幾花時間同力氣，所以交左俾男士去切
我地Order左五成熟，切開中間既部份外焦內粉嫩得有幾個層次
八掛之下問下職員咁鬼大塊點煮法，平時蒸魚都根據條魚既大細控制時間同火喉
更何況咁大舊扒每一忽厚薄都唔同，每塊扒都唔同安士啦，點make sure煮得好呢
原來要煎同濃濃地先再拎去焗爐到焗，難怪仲保持到入面咁juicy多肉汁
推薦俾一大班人黎食，女仔比較細食既都夠8個人食
大食d既男仔 6人既份量啦～不過一舊肉都咁厚
食3-4舊已經好飽（都未食飯已經飽左）
▲焗蟹肉大蘑菇帶蜆野米飯 $96
食完頭先個扒已經飽左，所以呢個飯只係食左兩啖
好鐘意食佢舊大菇，因為釀入左蟹肉係入面再去焗
野米比較有口感，口落有d似紅米咁～
不過混合一齊去食果陣無乜汁，所以比較乾去送飯，特別係底果d飯無哂餸要單食@@
需要女人係有兩個胃，但已經去到咁飽都係會想食甜品既！
不過芝士蛋糕類既就…個個已經停哂手話好飽
因為係朋友叫既甜品，如果係我叫…我一定揀雪糕類冇咁heavy既…
心太軟切開後，流出好多朱古力不過少左雲哩嗱去平衡返硬係差d野…
總結：
雖然café 2係西環真係好遠（對我黎講姐）
不過間中去遠d試下新野keep住有新鮮感都係好事黎
Café 2以呢個價錢有呢個質素出黎屬物有所值，至少野飲選擇上幾多
除左杯cookies & cream俾我好快飲完之外，我再嗌多杯cocktail都幾有水準！
草莓專頁開通喇！想關注我更多既消息？快d黎like我啦^^
www.facebook.com/BerrysTalk
FB Page: ＊Berry's Talk＊
這裡可以聯絡我: Berry1437@hotmail.com
沒有留言:
張貼留言