最近吃的餐廳都非常有特色，除了港人食慣既日本菜、泰國菜等之外
當聽到「美式餐廳」 草莓腦子只出現”牛扒” “炸魚薯條”等
今次朋友帶去尖沙咀厚福街搵食，H8一整座裡的餐廳真的不少
如果沒有Idea想食咩既朋友，呢到應該總有一間岩你口味 唔洗再行幾十條街搵食啦
The Captain's House主打美式海鮮餐，聽到已經覺得好有新鮮感
雖然餐廳佔地唔係極大，不過總算坐得舒舒服服
拎住手袋同一袋二袋既戰利品都唔係迫到坐得唔舒服
▲最搞笑係大家都要著上圍裙～以防食海鮮會弄髒衣服，算是非常細心
老老實實，如果你食得乾淨呢條圍裙都無彈到既話就帶埋佢返屋企啦
（ps 佢唔係要求收返的XDDD，拎到返屋企俾媽咪用不知幾開心）
▲飲品方面我地揀左Cocktail跟Mocktail
草莓始終不太好酒類，Asian Punch等Mocktail我就最愛啦
朋友點的這杯Tiramisu聽個名已經好吸引，而且上面的Cream好好食呢
出場時吸引了旁邊食客的目光～當然我都呆左呀見到咁大盤
整條船裡面有麵包蟹、長腳蟹、青口、虎蝦、大龍蝦、
小龍蝦、八爪魚仔、蜆、扇貝和翡翠螺以上的基本底
▲我地仲加左大龍蝦（要加HKD238）不過看到呢隻龍蝦就會知係好抵
因為真係超級大隻呀！
▲草莓上手的蝦真的超超超大隻，咁大隻的話當然肉就會比較實身小小
Louisiana Crab Cake HKD88
呢個蟹餅幾有特色，出面好似比較少見
入面啖啖蟹肉都幾濃味，值得加分係個底係脆口的
蟹餅唔會太淋又散哂，脆脆地又好似小食咁，加埋蛋黃醬又幾夾！
Hawaiian Poke Salad with Salmon HKD98
三文魚一向係我最愛，但係咪一定加Wasabi同豉汁先係最夾呢？
佢加左帶有洋蔥既酸酸甜甜醬汁醃製，竟然可以帶出三文魚既鮮味
而且佢切到一粒粒而唔係一片片好有口感，草莓仲係廁所門口撞到老闆
捉住佢大讚呢個三文魚整得超好味，如果多d洋蔥俾我會更加開心（哈哈）
Sauteed Fresh Mussels 白酒忌廉煮青口HKD198
草莓對凍食既青口不大興趣，總覺得好淡無咩味咁
而呢碟白酒汁忌廉煮青口就滿足到我重口味既要求
因為個汁真係好加分！好香忌廉味，如果好快飽既朋友就唔好食咁多住，哈
將個包點埋落個汁之後會好快飽～但D汁真係正到一滴都唔想浪費
Daily Special : Australian Wagyu Beef HKD298
最估唔到係「美式餐廳」都有和牛食到，仲要係是日精選唔係日日都有嫁
而且和牛頭頂上仲有成舊蒜插住好搞笑呀～～
不過總好過一舊肉放係到影相個角度同構圖都冇咁靚
將和牛切到細細粒再係舊蒜拔粒蒜黎送入口真係香超級多！
▲個人是好鐘意蒜味，如果唔太討厭蒜的話草莓是極度建議你加埋一齊食
Captain's Hot Seafood Bag HKD498
剛才食左一大盤凍既海鮮總係覺得唔夠喉，呢盤熱食就有存在感好多！
而且上台有成個藍波波，到底點食法嫁？
勁似剛係海撈完魚返黎咁用藍色捕魚網包住海鮮（笑）
▲可能我地笑得太大聲，老闆都忍唔住走黎睇我地班女仔搞乜東東
老闆說要手動mode去搖個袋令海鮮同d汁均勻d
不過唔係講笑，呢袋野真係幾重下同埋又好熱
老闆仲親自幫我地shake呢，超好人～～
▲我地揀左龍蝦仔，長腳蟹、八爪魚仔、蜆和翡翠螺（可自行揀3,5,8款）配個小小辣既汁
除左揀左果5樣之外，仲有粟米同薯仔食完都已經好飽。
雖然我唔係食得好辣既人，不過呢個小小辣既汁真係好正好惹味
粟米同薯仔吸哂d汁變得好入味，朋友搶食配菜多過海鮮（笑）
甜品時間又到啦！雖然已經真係好飽，
不過女仔係有兩個胃嫁，都要食甜品既～我地叫左三款甜品，
▲Cream Brulee Original法式焦糖燉蛋HKD 58－脆口既焦糖加埋軟滑既燉蛋，不過不失
▲仲有Mars Bar Cheese Cake HKD68-幾香濃既芝士味，又唔會太甜都OK
Banana Crumble HKD58－最有驚喜係呢個香蕉批，用好似”LC”既器皿上台好得意
入面有好足料既香蕉，最入面既香蕉焗完之後有D似蘋果味（可能只係我咁覺得）
上面既肉桂加埋香蕉都幾夾，平時呢種甜品比較少食到都幾新鮮丫～唔洗來來去去都係果幾款
個人是非常推薦一大班朋友上黎開餐，因為碟碟份量都好大
如果細食小小既女仔朋友真係夠食好多人呀～變得好抵食
而且款式都幾特別，起碼多d新鮮感～～老闆又靚仔仲好好人添（笑）
今次真係食到個個朋友都飽到咩咁…感覺好滿足！
尖沙咀厚福街8號H8 18樓
草莓專頁開通喇！想關注我更多既消息？快d黎like我啦^^
http://www.facebook.com/pages/Berrys-Talk/301019826603718
FB Page: ＊Berry's Talk＊
這裡可以聯絡我: Berry1437@hotmail.com
沒有留言:
張貼留言