姐妹淘在group中約食飯，竟然說去食素
我有無聽錯阿～好友Joanna和我也是超級食肉獸
“去食素唔係掛”這是心裡第一個反應，來到天后的【波羅密素食】
抬頭一望，咁熟面口既～係銅鑼灣利舞台以前都有食過。
唔講唔知原來利舞台果間已結業，而家搬左去天后，
而且尖沙咀、荔枝角都有分店 岩哂住新界唔想過海搵食既朋友
以前點菜都交由朋友點，自己係未認真睇過menu
乍看之下，喂！D相睇落完全唔似素食喎
鮑片魚生拼盤
魚生片雖沒有真正刺身的軟滑感，畢竟素做的質感比較硬身比較有咬口
鮑片既鮑味都做得好似，魚生片同鮑片點埋Wasabi同豉油根本都分唔清是素
黑松露白靈菇
個樣睇落唔似菇，似豬頸肉多d
一向菇類我都唔係特別鐘意食，不過呢碟整得好香濃
加埋上面既黑松露帶出菇既鮮味，下面果層仲有露荀非常爽口，大家勁快搶哂黎食
黑松露金湯素羹
已經好耐無飲過南瓜羹，飲得出好足料既南瓜甜味，混合埋黑松露變得香濃，
入面仲有素魷魚、素蟹柳增加口感 都算幾有誠意
姬松茸蒸豆腐
豆腐的確幾滑，不過個人對淡味既菜式不太感興趣
身旁的Elyse反而極鐘意食呢個豆腐，可能濃味人岩食條菜啦～
素蟹粉窩粑
呢個係誠意推介！窩粑做得同薯片差唔多脆口唔會淋哂
加埋已經分唔清係真蟹粉定係素蟹粉，點小小醋令窩粑吸哂醋味更加昇華
脆卜卜絕對係大人、小朋友最愛
跟住就係炸物愛好者（姐係我）既心水推介
椒鹽茶樹菇拼牛蒡
牛蒡炸完會唔會苦嫁＜－我第一句咁問
牛蒡唔係要黎沖牛蒡茶嫁咩＜－我係咁諗
原來炸出黎又幾好食，配薄漿炸唔會太厚粉
椒鹽茶樹菇有小小椒鹽味更得我心！唔怕生暗瘡？食完先算啦喂
脆口既菜色總是特別吸引（笑）
欖角蜜汁叉燒
呢道真係不可不點！食完真係會好想叫多碟…
呢碟素叉燒做到有半肥瘦既質感，原來係用麵筋拉出黎
其實咬入口似炸大腸既口感，不過係叉燒味既炸大腸囉
唔知你地同我一唔一樣好鐘意揀d邊邊黎食，貪佢烤焦既脆口
估唔到民個素叉燒都做得咁真！加埋蜜汁真係睇唔出係素叉
芋頭BB魚，呢個整做BB版的確容易入口
不過相比起由細到大既雲泉做既芋頭魚，呢個BB版炸得唔夠脆口
但勝在芋頭夠香，入面芋頭口感夠綿密搭救
如果將佢炸得再脆口D我會更加鐘意食～～
（上）川式擔擔麵－食到呢到已經開始好飽，所以只係食左幾啖
花生醬係幾香加埋蔥花一齊食更加滋味
（下）鮮茄牛柳焗飯－草莓只係食左上面既牛柳，
真係同真既牛柳無咩分別”肉”質極似！加埋鮮茄非常好送飯
甜點就有桂花糕、芝麻糕同南瓜番薯糕
桂花糕－同出面唔同既係呢個桂花糕好足料，唔會只係得一堆動L既糕，係食得出好清香
芝麻糕－呢款糕係最滑口軟身，芝麻味香濃 有如食左豌芝麻糊入口
南瓜番薯糕－聽說呢款係新年俾人訂得最多，證明人氣應該係最高
南瓜＋番薯做糕真係第一次食，甜甜地又幾夾呢
今次飯聚的確改變左我心目中對素菜既印象，
說真的，會想黎再試其他”彷”牛、”彷”豬、”彷”魚生 （笑）
不得不讚師父手勢做到明明是素都變成極真口感，用心的餐廳，值得支持。
草莓專頁開通喇！想關注我更多既消息？快d黎like我啦^^
http://www.facebook.com/pages/Berrys-Talk/301019826603718
FB Page: ＊Berry's Talk＊
這裡可以聯絡我: Berry1437@hotmail.com
沒有留言:
張貼留言