好開心大家都好支持草莓上一篇既
大家都有留言俾草莓叫我快d再出埋d遊記 ^^
今日終於整理左Day3 同Day 4既相~ 加加埋埋都有7十幾張～
請大家慢慢欣賞！
話說…上一篇講到第３日既朝早…
Ｅ。。點解咁亂既？
因為我地要執好行李準備轉去阿飛１館到住～
真係好唔捨得悠遊旅店～因為入面真係好舒服～
悠遊旅店既Ｃｈｅｃｋ ｏｕｔ時間係１１點～
不過我地同佢講想遲ｄ先ｃｈｅｃｋ ｏｕｔ 佢地都好好～
都可以俾多我地１個鐘頭～所以我地落去食左野先～
食完野之後先返去推ｄ行李去阿飛到～
冇錯。。我地都係食果間早餐店！
個刺青都ｋｅｅｐ得好好～
其實ｋｅｅｐ呢個刺青都有小小技巧～就係果晚返到去用乾紙巾印印佢
印到佢ｄ墨冇得再印～咁樣沖涼ｄ墨就唔會化開哂～會ｋｅｅｐ得好ｄ
今次老闆娘再推薦多一次佢地店既皇牌～
黃金起酥～都幾好味～不過我地都係最鐘意食果個蛋餅！
係等緊既時間～老闆娘就俾左幾本旅遊書我地睇下～
入面都可以見到我地住果２間既民宿～
我地最後上左悠遊旅店既天台～影下相～
悠遊入面係咁的～～
我地等埋朋友過黎就去玩大腳吉普車！
未出發之前我地影返張相先～
架車入面個內龍其實唔係好大～不過後面既企位都只係岩岩好夠我地４個人
一睇我地就知道唔係好瘦～其實都幾迫迫地～個安全感會大ｄ
不過如果太少人玩既唔知會唔會飛左出去
我都嘗試下企起身～～～好爽呀～～～～
跟住我地就到左個大本謍～係出火既旁邊～
我地玩呢個ＮＴ３２００ 一架車 （４個人）
包由民宿來回～仲包飄水（濕身）～仲去埋附近幾個景點～
講返個刺激既飄山先～Ｔｏｔａｌ有４０關 都玩到１個鐘～
司機虐待完我地之後仲抽返支事後煙。。。。。
我地就襯住呢個時間就抖一抖～岩岩果ｒｏｕｎｄ玩得太刺激～
實在好好玩～～～～叫到拆天～～佢唔同過山車果隻刺激～
過山車係機器你知道係好安全～ 不過用呢ｄ吉普車係人手你會感覺唔同ｄ
特別佢過ｄ彎好狠～～如果你自己渣開車（唔飛開車）都知道點渣最安全
不過個司機偏偏係行ｄ唔安全既路～例如入彎唔ｄｕｐ ｂｒａｋｅ。。
係山果到打斜咁轉彎。。呢ｄ係真實渣車冇可能咁癲嫁嘛（你估頭文字Ｄ咩）
去完飄山之後 司機就帶我地去濕身！
果到仲有多一架吉普車。。２架可以點一齊玩？
就係一架企定定俾人地衝過黎ｄ水飛向你面囉！
真係哩都哩唔到～ 諗住叫司機唔好令我地濕身～
點知司機冷笑完之後就衝左出去。。。。。之後我地。。。連鞋同內衣褲都濕埋！！
飄山同飄水２樣都好刺激！！！！
之後我地濕完身就去。。。吹乾我地！
去左風吹沙濕住咁睇風景=.= 果日好大風。。所以吹乾左我地
之後司機就車我地返民宿喇～～
司機去飄之前都狂食檳榔～搞到佢好ｈｉｇｈ
仲播埋ｄ 落Ｄ既歌～
最後返到民宿沖涼。。點解痛痛地既。。（其實玩完之後成隻手都好累好痛！）
我撞到瘀左！！其實大家應該都有小小瘀到～因為成個人碌黎碌去！撞黎撞去！
我地仲問司機今次係咪最刺激 佢竟然話只係用左４成既力
真係唔敢諗如果佢用８成既力 大家會唔會癲左～
我地黎到阿飛１館最平果間房～ＮＴ１２００ ／１晚
叫做南洋雙人房室～ 地方個大細同悠遊真係差好遠！
沖好哂涼～我地等果２個朋友租自動車過黎接我地去墾丁大街～
去大街途中～見到個天好靚～立即影下相！
去到大街我地又再食食食！
佢地先黎食個臭豆腐（不是我的菜）
男友再去買炸蘑食！
我地買左個綜合口味（姐係雜錦）
我地要左芥末口味～ 其實ｄ蘑都幾好味～唔錯唔錯～
男友人買左個烤小鳥黎食。。。咩叫烤小鳥？
姐係我地廣東話既＂奄春＂ 我冇食到所以唔知好唔好味～
仲見到有人係到整檳榔～
係大街見到有人賣呢ｄ香～
仲見到由車改裝既店～
呢一幅畫好平～～ＮＴ１００就有～
友人就買左幅～
跟住我地就去左食泰國野～係墾丁大街的 （呢一餐應該係第一餐入店到入低慢慢食）
呢間好似叫＂湄南海音樂餐廳＂旁邊有間屈仔的～
我地唔係叫左好多送～碟菜好普通
抄金邊粉唔好食！我只係食左一啖～
串燒肉都ＯＫ～ 咖哩蟹超難食！
野食平均黎講都麻麻。。。。。服務員服務得好差～
唔知佢地係咪趕住夜晚做ＳＨＯＷ所以好趕好趕
想落ORDER 問句野～佢答完之後就立即走左去～叫佢拎杯水都唔記得～
因為佢地夜晚會有人妖ＳＨＯＷ
入面有個服務員夜晚都會變左裝～
送上以下２位美女～身材都整得好好～係個喉核改變唔到～
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
到第４日～～早餐我地就去左阿飛早餐店到食～因為係阿飛既館到住都會有得免費食早餐
等緊食早餐既同時就影下相～
入面約有４張台～你一入到去同佢講聲佢就會立即現做早餐俾你～～
我地食既係鬆餅！不得不說～～真係幾好味！ 以為唔洗錢既質數應該不太好～
點知整左出黎真係俾我想像中好味～～加埋ｄ綀奶更加好味！
我地琴晚已經租左２人用既自動車ＦＯＲ今日去牧場同恆春～
所以我地今日有車自己去墾丁大街先搵埋朋友（因為佢地住大街果頭）
見佢地未得住～我同男友就落左去墾丁大街後面個沙灘影下相～～
今日真係好好天！Ｄ沙仲好熱ＴＩＭ！
點解呢邊會冇人游水嫁呢？
男友衝左落去舊木到。。幾驚Ｄ水衝哂上黎。。
我呢Ｄ咁怕死既人。。都唔敢行得太近～
見到友人之後我地就去租車店問下夠唔夠電去牧場～佢地話牧場都幾近就唔好換電～
咁我地就出發去牧場喇！
呢個就係新鮮羊奶凍～我自己都幾怕羊果陣味～都係覺得麻麻地～～
男友條利就食唔到羊果Ｄ味 所以佢覺得ＯＫ
之後仲試左羊奶雪條～我地揀左鳳梨味～
入面係一粒粒既鳳梨～幾好味！！
我地渣過黎都幾大太陽都幾熱～入到去開住冷氣所以好舒服～～
ＢＴＷ。。呢到除左食之外～如果大家鐘意食辣既話。。呢到有一支叫＂天下第一辣＂
既辣椒膏～連男友咁食得辣用牙籤試一試都覺得超辣！所以我買左２支返去做手信！
俾親戚試下～佢地都話好辣 （記住要一滴一滴慢慢加上去！）
買羊奶雪條既出面好靚～～～～～～
跟住我地就出發去搵真既牧場 係有牛睇既牧場～
唔知係咪唔岩時間睇唔到Ｄ動物放牧既情況～
跟住我地就返返去租車店到換電！順便幫自己充下電！飲返杯珍奶先
唔知自己飲左幾多塑化劑。。。。果日未爆出黎有塑化劑所以唔識死～
出發去恆春喇！
今日個天真係靚到爆～～
個海Ｄ顏色好靚～～
到小杜包子果到我地就停低抖抖～也餓了！
自己超級推薦－洋蔥烤肉包！入面有Ｄ黑胡椒 辣辣地又幾好味！
跟住就推薦 培根香腸包～幾野味～
男友就食左個獅子頭包～有小小辣～男友讚幾好味～不過就咸左小小～
由小杜包子再行過Ｄ就係恆春喇～
我地經過一間賣蛋卷既鋪～不過試食過之後都係覺得麻麻地
點解蘇ｃ黃會咁推薦嫁咩～ 唔通試食果ｄ放得耐左唔脆？
之後我地就去食綠豆蒜～雖然我地搵唔到最出名果間～不過當食過就算～
呢豌野我都食得幾多～因為幾好味～有ｄ冰係面～有ｄ糖水有ｄ紅綠豆～
對於當時口乾既我同埋出哂汗既我一流～
恆春入面～
之後行行下我地再去食 冬粉鴨～
１碗ＮＴ４０ ４個人食～諗住唔食得多同食下就算～
呢一間個湯幾清～不過個鴨就麻麻～
之後我地行下行下就見到海角７號既場景～就影下相（雖然自己未睇過）
烏龍接骨員。。。會人邊個肯俾佢接骨！？
之後我地再搵到一間出名好多既食冬粉鴨同滷味～
呢一間要６點老闆先拎Ｄ貨返黎賣～所以大家由５點幾已經係到等
當老闆返黎果陣大家就出去排隊喇～
好多本地人都係到食～～
老闆手起才落～～～超快手就切完～當時我仲拍左個VIDEO
老闆切野好勁！最後我地呢一餐Ｔｏｔａｌ食左ＮＴ４００左右
超級平！！！ Ｄ滷味仲要超好味～～特別係Ｄ豬耳！好入味～
鴨舌都ＯＫ～鴨腎好爽口好正！超級推介呢間野～～～～
之後我地再渣返車返去民宿 （因為我地架車已經冇電 雖然仲識郁）
我地都唔敢再渣返去大街 所以直接打去租車店～叫佢過黎收返Ｄ車同埋車我地去大街～
（佢地店都係大街到）
係悠遊旅店到住會有一個計程車接送由大街返去悠遊旅店
（雖然我地已經唔係果到住） 個計程車司機都打俾我地問我地係邊～話車我地返去
果陣我地仲擔心緊點返去阿飛民宿～ 都有人車返去～所以我地都趕唔切買Ｄ野食先拎返去
好過自己搭公車ＸＤ
返到去之後我地就去附近既７仔到買叮叮食～
推介右邊既果微醺～好香幾好飲～酒味都ＯＫ～
左邊既巨峰反而冇右邊果個咁好味～
第５日既朝早～我地再去阿飛早餐台到食早餐（住係阿飛到就免費有得食早餐）
琴日就係食鬆餅～今日就係食三文治～漢堡扒三文治都幾好味～
不過自己最不滿既就係。。。。。。。。。阿飛間房入面個私隱度唔夠高。。
我應該點樣同大家形容呢？影左ｄ相俾大家睇～～
我地一行到去果道門係木門。。都唔緊要～
木門－＞窗簾－＞玻璃門
咁姐係整個窗簾係可以俾外面既人打開望到入面？
個木門話就話入面既人先可以開～ 如果入面間房係冇人 （姐係冇人係入面鎖個木門）
外面ｄ人就可以自己開到個木門同打開個簾望到入面。。
所以呢２晚男友都好擔心安全既問題～因為我地仲要住係地下～近馬路～
所以呢間咁平唔係冇理由嫁！ 算啦～ＮＴ１２００ 唉～～
唔鐘意Ｄ人衝完浪之後掛哂Ｄ衫褲鞋係門口～搞到好似雜物房咁～
今日就要走喇～～我地班機係１：４０分～只要早半個鐘去到機場就得～
我地前幾日就訂左計程車由民宿去恆春機場～ＮＴ４００一架車
都係由悠遊旅店幫我地訂～因為唔太鐘意阿飛Ｄ服務～
其實搭呢個內陸機只可以帶１０ｋｇ上機～
不過我個行李應該都有１６ＫＧ。。加埋男友果個行李 總共有２８ｋｇ
我幾驚佢要收我錢。。點知佢冇出聲之後就叫我地坐係到等下～原來全機只有４個人搭。。。
個空姐都話：是正常的
我地４個就是咁樣包機去台北的ＸＤ
無錯。。呢個係登機門！
全機４個人只有３個行李～
我地見到呢部機就好ｈｉｇｈ 係到狂影相
個工作人員仲好好人咁幫我同男友影合照！ （超ｎｉｃｅ！）
冇諗到可以咁樣行上飛機ＸＤ （好似果ｄ總統搭果ｄ機好似都係咁樣的）
我地出發去台北ｌｕ ＧＯＧＯＧＯ！！
最後一落機就有車接我地～跟住就去拎行李～～
行李真係等多唔洗等。。得３個行李～勁快手就拎完就去搭的士去台北車站～～
其實我地開頭同ｄ人講我地會搭飛機上台北。。
ｄ當地人超級傻眼。。佢地仲問反我地轉頭＂乜仲有飛機嫁咩？＂
我地啞左。。。。問１０個人１０個都問點解我地唔搭高鐵。。
我地就話：如果搭高鐵就要去返左營～要搭客運過去左營
果ｄ錢同時間仲要拖住行李去都吃力～咁不如就搭飛機去就唔洗煩～
都只係搭ＮＴ２００既計程車就去到機場～
可能大家會問。。個機票幾點～原價係ＮＴ２２９２
佢而家促銷價ＮＴ１４１１就得～仲唔洗俾其他錢／稅 （可能包埋啦～唔知ＸＤ）
我地係立榮航空個網到訂的～
其實之前係ＨＯＴ墾丁呢個網到見到。。。
台北-墾丁直飛只要一小時，還沒回神就到墾丁了。
旺季每星期六、日、一會飛，淡季目前2009年11月起是星期二、四、六飛，希望大家多多支持。
目前因為客流不足只有立榮航空賠錢提供服務，希望大家多多支持，坐飛機比較快但不會比較貴喔!!!
飛機一小時單程1500元起(經濟艙)，高鐵+客運約1850~1900元要4小時!!!!!
來墾丁比高鐵還便宜
見到都唔係好貴～所以就試下搭飛機上台北～
其實咁細既機自己都有諗過安唔安全ＸＤ
好彩。。。。反而呢架機好定～衝上天果下仲有推背既感覺 時速應該超過２００既感覺
１個鐘頭左右就到松山機場喇～都幾快～～其實都唔係幾恐怖姐個飛機！
至於台北ｄａｙ５，６，７，８係點？
遲ｄ再上黎同大家ｓｈａｒｅ啦
希望你們會喜歡意草莓的文~ 喜歡的話請給一個推和留言吧 :)
你們的支持才是草莓出文的動力呢~
ＬＯＶＥ ＹＯＵ ＡＬＬ 
