話說
今次都好想同大家分享一下 ５日４夜所需要既野！
化妝品類
草莓帶左一個中size的Jill化妝袋，
因為呢個化妝袋可以將d野分類，咁就唔會亂哂龍喇！
佢其實有２邊既～一邊就係放一支支掃既～一邊係放厚身ｄ既野
我地先睇呢一邊先，
可以將粉底放哂入ｄ格到，就唔怕佢碌黎碌去～同埋可以放得到個睫毛夾～
有個細格可以放到一盒盒～
而洗面～自己會帶全部既sample裝～因為洗面都冇咩要求 只求洗得乾淨就ＯＫ
另外一邊就係咁～主要係放掃同一盒盒既
而掃就可以用紙巾包好ｄ掃就唔怕整到個化妝袋啦～
其實仲有一格都好欣賞～就係可以放綿花棒同瀏海貼or綿花既地方！
而草莓果幾日化妝寶貝就係呢ｄ喇～
防曬：SOFINA既防曬出哂名唔笠 岩哂要黎打底
Base：植村秀泡泡Base 用卜上好貼薄 唔會笠～幾好用
粉底：GA既Designer粉底 草莓心中的冠軍粉底！唔帶唔得！
粉餅（唔記得左影！）：KOSE ESPRIQUE 粉餅 用掃上OR補妝用
遮瑕：KOSE ESPRIQUE 雙色遮瑕 連掃夠哂方便！
仲有另外一盒遮瑕冇影到～就係Bare Minerals既亮眼粉/我當佢係遮瑕粉用
用掃上～持久度高過用膏狀～去旅行用就唔洗補黎補去～
胭脂：Anna sui既橙粉色夠哂自然～
打亮：NARS既打亮膏～色夠自然唔會好假～
眼影膏：Jill 4色眼影膏 分裝有哂淺色既打底色至深啡
唇彩：都係KOSE ESPRIQUE～唔洗茶潤唇膏都可以好出色好潤！大愛！
睫毛夾、潤唇膏、眼藥水就唔多介紹喇～～總知冇帶會好無安全感既野啦！
另外一邊就放左濕粉掃、大既掃
仲有眼線筆、眼線液x2 (黑/啡)、眉筆、同好愛用既AVANCE紅色睫毛膏
盒盒既就有……有齊眉粉眉膏組合、眼影就帶左啡系同粉紅系既顏色
最近好鐘意用CANMAKE呢個眼影膏！好想走去買其他色！夠哂閃同持久～
仲有Beautymaker遮瑕膏～有埋打亮同遮瑕膏係入面～
其實以上講既化妝品入面都基本上次次都有用得到！唔係白帶過去嫁～
其實而家去旅行執呢ｄ野已經有進步到～
話說以前去旅行真係見到咩都想帶過去（最後當然冇用過啦！）
成日見到呢一支呢一盒 硬係覺得會用到就執落個行李（唔帶唔心安既感覺！）
雖然草莓未進化到一細個化妝袋就走得化既地步～不過已經有進步嫁喇比起之前！
而護膚品方面就麻煩小小～因為太多瓶瓶罐罐要帶～
落妝：Biolane用到得返小小既落妝水、眼唇卸妝 Loreal都係用到得返小小既份量
如果一早知道自己幾時要去旅行 可以留返就黎用完既野 咁就唔洗再拎返黎香港
如果唔係可以去買d細細撙裝住阿～
其實化妝水、日霜等草莓都盡量帶sample裝or travel裝既大細
咁就唔洗買咁多樽去裝～而平時拎返黎既sample都可以快d用完! （發揮作用先岩！）
乳液就帶左Cellbone同IPSA 一個潤D一個清潤適中
帶多支碌眼筆～去旅行每日都要帶好耐既Colour con 返到酒店一定會好累
所以沖完涼落哂妝臨訓之前可以舒緩下～等佢冇咁腫～
而洗髮、護髮都只係用哂屋企有既儲貨ＸＤ
因為有時酒店提供既未必適合自己既頭髮，特別係女仔既頭髮唔似得男仔咁無所謂
仲要帶Sleeping mask!!因為旅行長時間化妝所以訓覺果陣都唔可以放過！
要用盡時間黎保濕！
我自己有習慣會留住一d比較”實鄭”既小樽仔for有需要既時候
入面可以裝住d sleeping mask or cream 都夠幾日份量嫁！
用得果1-2次既洗面就岩哂～因為平時係屋企都唔會特登用sample裝
最緊要都係帶幾片mask 以備不時之需！
一沖完涼落完妝就拿拿聲fu返塊 一邊睇電視玩電腦
第日都可以keep住水潤～唔怕乾到上唔到妝！
你當５日４夜 帶夠一晚一片啦～（如果你夠勤力的話）
講到帶咩衫～好因人而異～因為大家既style都好唔同
不過我呢年都好迷連身裙系列～因為我懶唔鐘意襯衫
而且迷身裙簡單，一條裙+Legging就走得！旅行岩哂～
唔洗再帶褲打底，又唔洗帶小背心打底～
當然～都會帶定一套短袖tee同短褲既。。
好啦～最後就係我個行李！其實都只係放左行李一半既一半！
遲D再上黎同大家Share下行程啦^^
